Published By 
భారత దేశంలో అనేక వంటకాల్లో ఉపయోగించే ఆకుకూరల్లో పుష్కలమైన పోషకాలు ఉంటాయి. అందులో మెంతి కూడా ఒకటి. వీటి దినిసులతో పాటు ఆకులను కూడా విరివిగా కూరల్లో వినియోగిస్తుంటారు. వీటి ఆకుల్లో ప్రొటీన్, విటమిన్ సీలు పుష్కలంగా లభిస్తాయి. మెంతులను సుగంధ ద్రవ్యాల్లోనూ ఉపయోగిస్తుంటారు. దీంతో పాటు, మలబద్దకం, అజీర్ణం వంటి సమస్యలకు వీటి మొక్కలను ఔషధంగా ఉపయోగిస్తుంటారు. క్యాన్సర్, మధుమేహంతో పాటు టెస్టోస్టిరాన్ హార్మోన్ పెంపొందించి, బరువును తగ్గించేందుకు కూడా మెంతులు ఉపయోగపడతాయి.
ఈ పంటను కూడా మనదేశంలోనే పుష్కలంగా పండిస్తుంటారు. ఇక్కడ నుంచే జపాన్, శ్రీలంక, కొరియా వంటి దేశాలకు మెంతిని ఎగుమతి చేస్తుంటారు. ఉత్తరాది రాష్ట్రాలైన గుజరాత్, రాజస్థాన్, మహారాష్ట్రల్లో ఈ పంటను ఎక్కువగా సాగు చేస్తారు. ఇటీవల కాలంలో కూరగాయల ధరలు అధికంగా పెరుగుతున్న నేపథ్యంలో తక్కువ ధరకు లభించే ఆకు కూరలవైపు అంతా మొగ్గు చూపుతున్నారు. ఈ క్రమంలోనే మార్కెట్ల ఆకు కూరలకు మంచి డిమాండ్ ఏర్పడింది. రైతులు కూడా ఆకుకూరల సాగు వైపు దృష్ట సారిస్తున్నారు. మన దేశంలో ప్రతి ఒక్కరూ ఈ మెంతికూర మెనూలో భాగంగా మారిపోతుంది.
అయితే, వీటిని సాగు చేయడం పెద్ద కష్టమేం కాదు. ఈ పంటతో రైతులు కూడా మంచి ఆదాయాన్ని పొందవచ్చు. వీటి విత్తనాలు విత్తన వెంటనే మొలకెత్తేలా చూసుకోవాలి. క్రమం తప్పకుండా నీళ్లు పోయాల్సి ఉంటుంది. అలాగని అతిగా నీరు పెట్టినా ప్రమాదమే.. ఎందుకంటే, అధికంగా ప్రేమ ఉంటే మొక్కలు పెరిగే అవకాశం ఉండదు. ఆ తర్వాత ఓ వారం రోజులు గ్యాప్ ఇచ్చి.. మళ్లీ నీళ్లు పెడుతూ ఉండాలి. అలా నెల రోజుల్లోనే 4 సెంటీమీటర్ల పొడవు ఉన్న చిన్న చిన్న మొలకలు వస్తాయి. ఆ తర్వాత 15 రోజుల్లోనే మొక్కలుగా మారి కోతకు సిద్ధంగా మారిపోతాయి.
