తెలంగాణాలో అధిక దిగుబడినిచ్చే సన్నగింజ వరి వంగడాలు

           తెలంగాణ రాష్ట్రంలో వానాకాలంలో వరి సాగు విస్తీర్ణం సూమారుగా 60-65 లక్షల  ఎకరాలలో సాగు అవుతుంది .అందులోముఖ్యముగా సన్నగింజ   రకాలు వానాకాలంలో ఎక్కువగా సాగులో వున్నాయి మరియు  ప్రభుత్వ ప్రోత్సాహం దృష్ట్యా ఈ వానాకాలంలో సన్న గింజ రకాల సాగు  పెరిగే అవకాశం వుంది. మార్కెట్ ప్రాముఖ్యత మరియు అధిక దిగుబడినిచ్చే  8 సన్న గింజ రకాలను సాగును ప్రోత్సహించాలని ప్రభుత్వం సూచించింది. అందువల్ల ఈ వానాకాలనికి  అనువైన 8 సన్న గింజ రకాల గుణ గణాలను  వివరించడం జరిగింది.

1.తెలంగాణ సోనా (ఆర్.ఎన్ .ఆర్ -15048):

కాల పరిమితి    :స్వల్పకాలిక రకం (125-130 రోజులు )

పంట దిగుబడి   : 26-28 క్వి./ఎకరానికి

ప్రత్యేక లక్షణాలు: నారుమడిదశలో కొంతవరకు చలిని మరియు అగ్గితెగులును తట్టుకుంటుంది.గింజ రాలె గుణము మరియు తక్కువ నూక శాతము (68-70%) కలిగి ఉంటుంది.మంచి అన్నం నాణ్యత కలిగి ఉంటుంది. గ్లైసిమిక్ ఇండెక్స్ తక్కువగా ఉంటుంది .

ii.కూనారం వరి 2 (కె.ఎన్ .ఎమ్ . 1638):

కాల పరిమితి    :స్వల్పకాలిక రకం (120-125 రోజులు )

పంట దిగుబడి   : 28-32 క్వి./ఎకరానికి

ప్రత్యేక లక్షణాలు: ఉల్లికోడు బయోటైపు 1, 3 మరియు 4 ను తట్టుకొనును

కంకి పూర్తిగా బయటకు విడుస్తుంది మరియు పంట కొత సమయంలో గింజ రాలదు. గింజ నాణ్యత బాగా వుండి, వండిన అన్నం రుచిగా మరియు విడివిడిగా ఉంటుంది.

iii.సాంబ మాషూరి (బి.పి. టి . 5204):

కాల పరిమితి    : దీర్ఘ కాలిక రకం (145-150 రోజులు )

పంట దిగుబడి   : 30-34 క్వి./ఎకరానికి

ప్రత్యేక లక్షణాలు: అన్నం నాణ్యత బాగుంటుంది.

సుడిదోమ మరియు ఉల్లి కోడు ఎక్కువగా ఆశించే అవకాశం వుంది

1. వరంగల్ వరి -2 (డబ్ల్యు.జి .యల్-962 )

కాల పరిమితి    :స్వల్పకాలిక రకం (120-125 రోజులు )

పంట దిగుబడి   : 26-30 క్వి./ఎకరానికి

ప్రత్యేక లక్షణాలు:  కొంతవరకు ఆకు  మరియు మెడ విరుపు తెగులును  తట్టుకుంటుంది.గింజ రాలె గుణము మరియు తక్కువ నూక శాతము (65.80%) కలిగి ఉంటుంది.అన్నం నాణ్యత సాంబ మషురి ని పోలి ఉండి గ్లైసిమిక్ ఇండెక్స్ తక్కువగా ఉంటుంది .

1. సిద్ది (డబ్ల్యు.జి .యల్-44 )

కాల పరిమితి    : దీర్ఘ కాలిక రకం (140-145 రోజులు )

పంట దిగుబడి   : 28-30 క్వి./ఎకరానికి

ప్రత్యేక లక్షణాలు: ఉల్లికోడు (బయోటైపు 1) మరియు సుడిదోమను తట్టుకుంటుంది.అన్నం నాణ్యత సాంబ మషురిని పోలి ఉండి గ్లైసిమిక్ ఇండెక్స్ తక్కువగా ఉంటుంది.

1. జె .జి.యల్ 1798 (జగిత్యాల సన్నాలు )

కాల పరిమితి    :స్వల్పకాలిక రకం (120-125 రోజులు )

పంట దిగుబడి   : 26-28 క్వి./ఎకరానికి

ప్రత్యేక లక్షణాలు: ఉల్లికోడు (బయోటైపు 3) తట్టుకుంటుంది.అన్నం నాణ్యత సాంబ మషురిని పోలి ఉంటుంది.

vii. జై శ్రీ రామ్

కాల పరిమితి    : దీర్ఘ కాలిక రకం (140-145 రోజులు )

పంట దిగుబడి   : 23-25 క్వి./ఎకరానికి

ప్రత్యేక లక్షణాలు : అన్నం నాణ్యత బాగుంటుంది. సుడిదోమ మరియు ఉల్లి కోడు ఎక్కువగా ఆశించే అవకాశం వుంది.

viii. హెచ్ .ఎమ్ .టి . సోనా :

కాల పరిమితి    :దీర్ఘ కాలిక రకం (140-145 రోజులు )

పంట దిగుబడి   : 22-25 క్వి./ఎకరానికి

ప్రత్యేక లక్షణాలు : మిక్కిలి సన్నగింజ రకము మరియు అన్నం నాణ్యత బాగుంటుంది

వి. సృజన (వృక్ష ప్రజనన శాస్త్రం), డి. అనిల్ (సేద్య శాస్త్ర  విభాగం ),పి. రమాకాంత్ (వృక్ష ప్రజనన శాస్త్రం) జి .నాగేందర్ (సేద్య శాస్త్ర  విభాగం ), ప్రొఫెసర్ జయశంకర్  తెలంగాణ వ్యవసాయ విశ్వవిద్యాలయం, ఫోన్ :99498 74968