Newsఆంధ్రప్రదేశ్వార్తలు

ఆచార్య ఎన్.జి. రంగా వ్యవసాయ విశ్వవిద్యాలయానికి ఏ-గ్రేడ్ గుర్తింపు

0
           ఆచార్య ఎన్.జి. రంగా వ్యవసాయ విశ్వవిద్యాలయం జాతీయ స్థాయిలో అరుదైన ఘనతను సాధించింది. ఇండియన్ కౌన్సిల్ ఆఫ్ అగ్రికల్చరల్ రీసెర్చ్ (ICAR) నిర్వహించిన అక్రిడిటేషన్ ప్రక్రియలో విశ్వవిద్యాలయానికి ప్రతిష్ఠాత్మకమైన ఏ-గ్రేడ్ గుర్తింపు లభించింది.
      గతంలో బీ-గ్రేడ్‌లో ఉన్న విశ్వవిద్యాలయం, విద్య, పరిశోధన, వ్యవసాయ విస్తరణ రంగాల్లో సాధించిన ప్రగతితో ఏ-గ్రేడ్ సాధించడం విశేషం.
       ఈ సందర్భంగా విశ్వవిద్యాలయ వైస్ ఛాన్సలర్ డాక్టర్ పీవీ సత్యనారాయణ మాట్లాడుతూ… దాదాపు పన్నెండు సంవత్సరాల తర్వాత విశ్వవిద్యాలయానికి ఏ-గ్రేడ్ గుర్తింపు రావడం ఎంతో ఆనందంగా ఉందని తెలిపారు.
        జాతీయ స్థాయి పీర్ రివ్యూ బృందం విశ్వవిద్యాలయంలోని విద్యా ప్రమాణాలు, పరిశోధనలు, విద్యార్థులకు అందిస్తున్న నాణ్యమైన విద్య, రైతులకు అందిస్తున్న ఆధునిక సాంకేతిక పరిజ్ఞానాన్ని పరిశీలించిన అనంతరం ఈ గుర్తింపు లభించిందని వెల్లడించారు.
      ఈ ఏ-గ్రేడ్ గుర్తింపుతో విశ్వవిద్యాలయానికి జాతీయ స్థాయిలో మరింత గుర్తింపు లభించడంతో పాటు, విద్యార్థులకు ఉన్నత విద్య, పరిశోధన రంగాల్లో మెరుగైన అవకాశాలు లభిస్తాయని పేర్కొన్నారు. అలాగే జాతీయ స్థాయి నిధులు పొందేందుకు కూడా దోహదపడుతుందని తెలిపారు.
       ఈ విజయం వెనుక గతంలో పనిచేసిన వైస్ ఛాన్సలర్లు, శాస్త్రవేత్తలు, ప్రస్తుత అధికారులు, బోధన మరియు బోధనేతర సిబ్బంది, అసోసియేట్ డీన్లు, ఏడీఆర్లు అందరి సమిష్టి కృషి ఉందని అభినందించారు.
          రాష్ట్ర వ్యవసాయ శాఖ మంత్రి అచ్చెన్నాయుడు, ముఖ్యమంత్రి నారా చంద్రబాబు నాయుడు మరియు వ్యవసాయ శాఖ ఉన్నతాధికారుల సహకారం కూడా ఈ విజయానికి తోడ్పడిందని వైస్ ఛాన్సలర్ డాక్టర్ పీవీ సత్యనారాయణ వెల్లడించారు.
Leave Your Comments

పంటల వైవిధ్యీకరణతో నేల–నీటి సంరక్షణ,సుస్థిర వ్యవసాయానికి పంటల మార్పిడి ఎంతో అవసరం

Previous article

రబీలో ప్రొద్దుతిరుగుడు పంట సాగులో తేమ సంరక్షణ మరియు పంట యాజమాన్యం       

Next article

You may also like