Watershed Facts: నీటి పరీవాహక ప్రాంతం గురించి ముఖ్య విషయాలు తెలుసుకోండి.!

Watershed Facts: వర్షం పడినప్పుడు నేలలో ఇంక గలిగినంత నీరు నేలలోనికి పోగా మిగిలిన నీరు ఉపరితల భూమి పై వాలు ను అనుసరించి ఒక ప్రత్యేక స్థానానికి చేరుటను వాటర్ షెడ్ అంటారు. ఈ నీటిని పరీవాహక ప్రాంత భౌగోళిక పరిస్థితిని బట్టి (ఎత్తు పల్లాలు) నీటిని నిల్వ చేయుటకు మరియు నేల కోతకు గురి కాకుండా తగు సంరక్షక డిజైన్లు తయారు చేసి – గట్లు, నీటి దారులు, చెక్ డాం లు, నీటి కుంట నిర్మాణాలు చేపడతారు. డిజైన్లు అత్యధిక నీటి ప్రవాహ పరిమాణాన్ని అనుసరించి తయారు చేస్తారు.

పరీవాహక ప్రాంత అభివృద్ధి చేయుటకు ముందు సేకరించ వలసిన సమాచారo (basic information)

· భూమి యాజమాన్యం

· నేల రకాలు, పంటలు పండించు పద్ధతులు, దిగుబడులు, సేద్యం చేయుటకు భూమి సామర్ధ్యం

· పశు సంపద గణాంకాలు

· వర్షపాతం, నేల కోత సమస్యలు, భూగర్భ జలాల సమాచారం

· ప్రస్తుతం ఉన్న, చెరువులు, బావులు, నీటి వనరుల సమాచారం

· పాఠశాలలు, బ్యాంకులు, పరపతి సౌకర్యం, మార్కెట్, ఆరోగ్య మరియు పశు వైద్య శాలలు వంటి సేవా సదుపాయాలు.

Also Read: Water Taking Methods: నీటి వనరుల నుండి పొలం లోకి నీరు తీసుకొని పోవు పద్ధతులు

Watershed Facts

పరీవాహక ప్రాంత యాజమాన్య సూత్రాలు: (principles of water shed management)

· భూమిని దాని సామర్ధ్యం ను అనుసరించి వినియోగించుట

· సారవంతమైన ఉపరితల నేలను రక్షించుట

· చెరువులు, రిజర్వాయిర్లు, పల్లపు భూముల్లో మేట వేయుట తగ్గించుట

· నేలలో నీరు ఇంకు గుణము ను పరి రక్షించుట

· ఉపరితల ప్రవాహాలు నేల కోత లేకుండా నీటి నిల్వ నిర్మాణం లకు మళ్ళించుట

· వృక్ష సంపద ను పెంపొందించుట

· నేల కోత వలన గల్లీలు ఏర్పడ కుండా చెక్ డ్యాములను నిర్మించుట – దీనివల్ల భూ గర్భ జలాలను పరిరక్షించుట

· అంతర పంటలు, పంటల సాంద్రత ను పెంచుట

· భూమి రకాన్ని బట్టి ప్రత్యామ్నాయ పద్ధతుల ద్వారా సమర్ధ వంతం గా వినియోగించుట

· water harvesting ద్వారా నీటి నిల్వ సామర్ధ్యం పెంచుట

· చిన్న తరహా వ్యవసాయ ఆధారిత పరిశ్రమలు నెలకొల్పుట

· వ్యవసాయ అనుబంధ వ్యవస్థలైన పాడి పరిశ్రమ, గొర్రెలు, మేకలు, కోళ్ళ పెంపకం ద్వారా సంవత్సరాదాయం పెంచు కొనుట

· రైతుల సాంఘిక, ఆర్ధిక పరిస్థితులను మెరుగు పరచుట

పరీవాహక ప్రాంత యాజమాన్యo ను ప్రభావితం చేసే అంశాలు:

· వర్షపాత తీవ్రత – కాలం – పరిమాణం

· భూమి వాలు, భౌగోళిక పరిస్థితులు

· నేలల రకాలు – నీరు ఇంకు స్వభావం

· తేమ నిలుపుకునే సామర్ధ్యం

· పరీవాహక ప్రాంతం లో పండించు పంటలు, వృక్ష సంపద, నేలపై పెరిగే గడ్డి జాతి మొక్కలు మొదలైనవి.

పరీవాహక ప్రాంత యాజమాన్యం విభాగాలు:

· నేల మరియు నీటి సంరక్షణ

· ఎక్కువ వర్ష పాతం పడినప్పుడు అధికమైన నీటిని పల్లపు చోటికి చేర్చుట (water harvesting)

· పంట యాజమాన్యం

· ప్రత్యామ్నాయ భూ వినియోగ పద్ధతి

Also Read: Rules for Watering: నీటిని పెట్టే నియమావళిని తెలుసుకోండి.!