Published By 
Subsidy For Drones: డ్రోన్‌ల వినియోగాన్ని ప్రోత్సహించే ప్రయత్నంలో భాగంగా వ్యవసాయం మరియు దాని అనుబంధ కార్యకలాపాల కోసం డ్రోన్‌ల కొనుగోలు కోసం వ్యవసాయ సంస్థలకు రూ. 10 లక్షల వరకు 100% గ్రాంట్‌ను కేంద్రం ప్రభుత్వం అందించింది. ఈ రంగంలోని వాటాదారులకు డ్రోన్ టెక్నాలజీని అందుబాటులోకి తీసుకురావడానికి మంత్రిత్వ శాఖ సవరించిన మార్గదర్శకాలను జారీ చేసింది. వ్యవసాయ యంత్రాల శిక్షణ మరియు పరీక్షా సంస్థలు, ICAR సంస్థలు, కృషి విజ్ఞాన కేంద్రాలు మరియు రాష్ట్ర వ్యవసాయ విశ్వవిద్యాలయాలకు 100% గ్రాంట్‌ను అందించింది కేంద్రం.
Drones
వ్యవసాయ మరియు రైతు సంక్షేమ మంత్రిత్వ శాఖ సీనియర్ అధికారి చెప్పిన వివరాల ప్రకారం… రైతు ఉత్పత్తిదారుల సంస్థలకు ప్రభుత్వం డ్రోన్ ధరలో 75 శాతం గ్రాంట్‌ను అందించిందన్నారు. డ్రోన్‌లను అద్దెకు తీసుకోవడానికి అమలు చేసే ఏజెన్సీలకు రూ.6000 / హెక్టారుకు వ్యయం కూడా ఇవ్వబడుతుంది. డ్రోన్ ప్రదర్శనల కోసం డ్రోన్‌లను కొనుగోలు చేసే ఇంప్లిమెంటింగ్ ఏజెన్సీలకు వ్యయం హెక్టారుకు రూ.3000 ఇవ్వబడుతుంది.
Also Read: ఐదవ అంతర్జాతీయ వ్యవసాయ శాస్త్ర కాంగ్రెస్ సదస్సు
Drones in Agriculture
మొదట ఆర్థిక సహాయం మరియు గ్రాంట్లు 31 మార్చి 2023 వరకు అందుబాటులో ఉంటాయని, ఆపై మళ్లీ సమీక్షించబడుతుందని ప్రభుత్వం తెలిపింది. అయితే అగ్రికల్చర్ గ్రాడ్యుయేట్లు సీహెచ్‌సీని ఏర్పాటు చేస్తే డ్రోన్‌ల ప్రాథమిక ధరలో 50 శాతానికి సబ్సిడీ పెరుగుతుందని మంత్రిత్వ శాఖ చెప్పింది, ఇది దేశంలోని సామాన్యులకు డ్రోన్‌లను మరింత అందుబాటులోకి తీసుకురావడానికి తోడ్పడుతుంది. మరియు దేశీయ డ్రోన్ ఉత్పత్తిని గణనీయంగా ప్రోత్సహిస్తుంది.
Subsidy For Drones
ఈ నేపథ్యంలో పౌర విమానయాన మంత్రిత్వ శాఖ డైరెక్టర్ జనరల్ ఆఫ్ సివిల్ ఏవియేషన్ తో పాటు షరతులతో కూడిన మినహాయింపు ద్వారా డ్రోన్ కార్యకలాపాలను అనుమతించే ప్రక్రియలో ఉన్నారు. అంతేకాకుండా వ్యవసాయ, అటవీ & పంటలు పండని ప్రాంతాలలో పంటల రక్షణ కోసం క్రిమిసంహారక మందులతో డ్రోన్ అప్లికేషన్‌ను ఉపయోగించడం కోసం ప్రామాణిక ఆపరేటింగ్ విధానాలను కూడా రూపొందించింది.
Also Read: ఆహార ధాన్యాల డిమాండ్ పెరగనుంది – ICAR
