Published By 
ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయం ఆధ్వర్యంలో నిర్వహిస్తోన్న వ్యవసాయ , ఉధ్యాన, వెటర్నరీ విశ్వవిద్యాలయాల బై.పి.సి స్ట్రీమ్ డిగ్రీ కోర్సుల ప్రవేశాలకు సంబంధించిన ఎన్.సి.సి స్పోర్ట్స్ కోటా ఒరిజినల్ సర్టిఫికెట్ ల వెరిఫికేషన్ ఈ నెల 26, 27 తేదీలలో నిర్వహిస్తున్నామని రిజిస్ట్రార్ డాక్టర్ ఎస్.సుధీర్ కుమార్ తెలిపారు. రాజేంద్రనగర్ లోని వ్యవసాయ విశ్వవిద్యాలయ ఆడిటోరియంలో ఈ వెరిఫికేషన్ ప్రక్రియ కొనసాగుతుందని అన్నారు. ఎన్.సి.సి, స్పోర్ట్స్ కోటాలో సీట్లు పొందాలనుకొంటున్న అభ్యర్థులు సంభందిత తేదీలలో తమ ఒరిజినల్ సర్టిఫికెట్ లతో వెరిఫికేషన్ కు హాజరుకావాలని సూచించారు. ఈ నెల 26న ఎన్.సి.సి కోటా అభ్యర్థుల సర్టిఫికెట్స్ వెరిఫికేషన్ , ఈ నెల 27వ తేదీన స్పోర్ట్స్ కోటా వెరిఫికేషన్ నిర్వహిస్తున్నట్లు తెలిపారు. పూర్తి వివరాలకోసం విశ్వ విద్యాలయ వెబ్ సైట్ www.pjtsau.edu.inలో చూడాలని సూచించారు.
