Soil Conservation: భూసార పరిరక్షణకు సేంద్రియ ఎరువుల ఆవశ్యకత

Soil Conservation

• సేంద్రియ ఎరువులు నేలలో కుళ్ళి ఖనిజీకరణ చెంది పంటలకు అవసరమైన స్థూల పోషకాలు అయిన నత్రజని, భాస్వరం, పొటాష్‌లు డి మరియు సూక్ష్మ పోషకాలను పంటలకు అందిస్తాయి.
• సేంద్రియ ఎరువులు కుళ్ళేటప్పుడు వివిధ సూక్ష్మజీవులు విటమిన్లను, రోగనిరోధకాల పెరుగుదలను, వృద్ధిచేసే హార్మోనులు ఉత్పత్తి చేస్తాయి. ఆక్సిన్లు విత్తనాలు మొలకెత్తడానికి వేర్ల పెరుగుదలకు తోడ్పడతాయి. శిలీంద్రాలు విషంగా ఉండే పదార్థాలు వీటి నుంచి తయారై శిలీంద్ర తెగులు సోకకుండా చేసే అవకాశం ఉంది.
• సేంద్రియ ఎరువులు చిలెట్స్‌గా పనిచేసి సూక్ష్మ పోషకాల లభ్యతను, నేలలో వీటి కదలికలను పెంచుతాయి.
• సేంద్రియ ఎరువుల నుంచి నత్రజని నిదానంగా విడుదలవడం వల్ల రసాయన ఎరువులతో పోలిస్తే సేంద్రియ ఎరువులలో నత్రజని నష్టం తక్కువగా ఉంటుంది.
• వాతావరణంలోని నత్రజనిని సేంద్రియంగా చిత్రీకరించి పంటలకు అందుబాటులో ఉండే విధంగా చేస్తుంది.
• రసాయన ఎరువుల వినియోగం సామర్థ్యాన్ని పెంచుతాయి.
• నేలలో హ్యూమస్‌ తయారీకి అవసరమైన కర్బనాన్ని అందిస్తాయి.
• నేలలోని ఖనిజ లవణాలను మొక్కల వేర్ల నుంచి విడుదలయ్యే రసాయనాలతో నేలలో సూక్ష్మజీవులు విడుదల చేసే పదార్థాలతో కరిగించి మొక్కలకు అందుబాటులో ఉండే రూపంలో మారుస్తాయి.
• నేలలోని సూక్ష్మజీవులు అన్నింటికీ సేంద్రియ ఎరువులు ఆహారంగా అందుబాటులో ఉండి ఇవి నేలకు పంటలకు ఉపయోగపడే ప్రక్రియ జరిగేందుకు ఉపయోగపడతాయి.

Organic fertilizers

• పారించే నీటి ద్వారా నేలకు చేరే  పాదరసం, కాడ్మియం లాంటి భారీలోహ కాలుష్యాన్ని  నిరోధిస్తాయి.
• నేలలో ఉన్న సహజంగా లేదా రసాయనిక ఎరువుల ద్వారా వేసిన అధిక ఆమ్లాలు, క్షారాలు, లవణాల వలన మొక్కల వేర్లకు హాని కలగకుండా సేంద్రియ ఎరువులు చేస్తాయి. నేల ఉదజని సూచికను స్థిర పరుస్తాయి.
• నేల రసాయన, భౌతిక,  జీవగుణాల పై ప్రభావం చూపి నేల సత్తువను ఉత్పాదక శక్తిని పెంచుతాయి.
• నేల యొక్క భౌతిక స్థితిని మెరుగు పరుస్తాయి.  తేమను నిలుపుకునే శక్తిని పెంపొందిస్తాయి. నేలలోని గాలి ప్రసరణ పెరుగుతుంది. అలాగే మట్టిరేణువులను ఒకదానికొకటి పట్టి ఉంచే గుణాన్ని సేంద్రియ ఎరువులు మెరుగుపరుస్తాయి.
• నేలలో నీరు ఇంకిపోయే వేగాన్ని పెంచుతాయి. మురుగునీరు పోవడాన్ని వృద్ధి చేస్తాయి.
• నేలకోతను తట్టుకునే శక్తిని ఎక్కువ చేసి కోతను తగ్గిస్తాయి. నేలలో ఇంకే నీటిని పెంచి నేలపై నుంచి కొట్టుకుని పోయే నీటిని తగ్గిస్తాయి.
• గాలి కోతకు గురి కాకుండా కాపాడతాయి.
• నేలపై సేంద్రీయ ఎరువులు మల్చింగ్‌ లాగా పని చేసి వేసవిలో ఉష్ణోగ్రతను తగ్గిస్తాయి. చలికాలంలో నేల ఉష్ణోగ్రతను పెంచుతాయి. నేల వాతావరణం మధ్య ఉష్ణోగ్రత ప్రయాణించకుండా నిరోధిస్తాయి.

Also Read: సేంద్రియ వ్యవసాయానికి యువ రైతుల కృషి

Importance of Organic Fertilizers