Types of Nutrients: పోషకాల రకాలు మరియు వాటి లక్షణాలు.!

Types of Nutrients: భూమి పై పొరలో 109 మూలకాలు గుర్తించడం జరిగింది.మొక్కల పెరుగుదలకు కొన్ని మూలకాలను ఎక్కువ పరిమాణంలోనూ, కొన్నింటిని తక్కువ గానూ నేలనుండి తీసుకొంటాయి.ఇతర మూలకాలు అనేకం నేలలో ఉన్నప్పటికీ వాటిని తీసుకోవు. ఇలా మొక్కలు వాటి అవసరార్ధం నేలనుండి సంగ్రహించే మూలకాలను ” పోషకాలు ” అంటారు. పోషకాలలో భారత నేల చాలా తక్కువగా ఉందని పేర్కొంది. సాంపిల్స్‌లో దాదాపు 85 శాతం మట్టిలో ఆర్గానిక్ కార్బన్ లోపం ఉంది. వీటిలో దాదాపు 15 శాతం శాంపిల్స్‌లో ఆర్గానిక్ కార్బన్ తక్కువ స్థాయిలో ఉంది.

Types of Nutrients

Also Read: Sustainable Soil Health Conservation: పిజె టిఎస్ ఎయూ లో సుస్థిర భూసార ఆరోగ్య పరిరక్షణకు ఫర్టిగేషన్ విధానం

పోషకాల ఆవశ్యక నియమాలు:

• గింజలు మొలకెత్తి మొక్క తన జీవిత చక్రాన్ని సంపూర్ణం గావించడానికి ఉపయోగపడే మూలకం-అంటే ఆ మూలకం లేకపోతే మొక్క తన జీవిత చక్రాన్ని సంపూర్తి గావించు కోలేదు.
• పోషకము గా పరిగణించబడిన మూలకము సరఫరా లోపించి నపుడు మొక్కలు కొన్ని లోప లక్షణాలు: ప్రదర్శిస్తాయి. ఈ లోప లక్షణాలు ఆ ప్రత్యేక మూలక పదార్ధము మొక్కకు సరఫరా చేస్తేనే సవరింప బడతాయి.

• పోషకము అనబడే మూలకం మొక్క పోషణ లో ప్రత్యక్షంగా పాల్గొనును.

ముఖ్య పోషకాలు: మొక్కల ఎదుగుదలకు 20 పోషకాలు అవసరమని ఇప్పటి వరకూ గుర్తించారు. మొక్కల పోషకాలు అవి ఉపయోగించుకొనే పరిమాణాన్ని బట్టి మూడు తరగతులు గా విభజించారు.

స్థూల పోషకాలు లేదా ప్రధాన పోషకాలు (primary or Major nutrients): నత్రజని, భాస్వరము, పొటాష్ ధాతువులు పైర్లు ఎక్కువ మోతాదులలో అవసరముంటుంది. అందువలన వీటిని “స్థూల పోషకాలు” అంటారు.

ఉప పోషక పదార్థాలు (secondary nutrients): కాల్షియం, మెగ్నీషియం, గంధకం, ఈ ధాతువులను మొక్కలు స్థూల పోషకాల కంటే తక్కువ పరిమాణం లో వినియోగించు కొంటాయి. కావున వీటిని “ఉప పోషక పదార్ధాలు” అంటారు.

సూక్ష్మ పోషక పదార్థాలు (micro nutrients or trace elements): ఇనుము, మాంగనీసు, జింకు, రాగి, బోరాస్, మాలిబ్దినం, సోడియం, క్లోరిస్, నికెల్, కోబాల్ట్, సిలికాస్ ధాతువులను మొక్కలు చాలా తక్కువ పరిమాణం లో వినియోగించు కొంటాయి. కావున వీటిని “సూక్ష్మపోషకాలు అంటారు.

Also Read: Cotton cultivation: ప్రత్తి పంట లో వర్షాలు తగ్గిన తర్వాత రైతులు పాటించవలసిన యాజమాన్య పద్ధతులు