వేరు పురుగు చేయు చెరకు ఇంత ఇంత కాదయ్యా ....

Rootworm sugarcane crop : వేరు పురుగులు ప్రధానంగా తేలిక పాటి నేలల్లో కాని తేమ తగినంత లేని పొలాల్లో కానీ ఎక్కువ ఆశించి పంట నష్టాన్ని కలుగజేస్తాయి. గత 2 – 3 సం . నుంచి ఈ వేరుపురుగు సమస్య వివిధ పంటలలో చెరకు ,పసుపు ,మినుము,వేరు శనగ ,జొన్న ,మొక్క జొన్న పంటలలో అధికంగా గమనించడం జరిగినది. ఈ పురుగు యొక్క ఉధృతిని బట్టి సుమారు 30 – 40 శాతం వరకు పంట నష్టం కలుగుతుంది.

Rootworm sugarcane crop ( చెరకు పంటల్లో వేరు పురుగు )

వేరు పురుగు ఉధృతికి అనుకూల పరిస్థితులు :- సాధారణంగా వేరు పురుగు యొక్క తల్లి పురుగులు నిద్రావ్యవస్థను కలిగియుండుట వలన తొలకరి వర్షాలు పడేంతవరకు భూమిలోనే ఉండి, వర్షాలు పడిన వెంటనే బయటకు వచ్చి ఆశ్రయాన్ని ఇచ్చే చెట్ల మీద నివసిస్తూ సంపర్కం జరుపుకొని పదునైన నేలను గుర్తించి గుడ్లను ఒక్కొక్కటగా ఒకే చోట 20 నుండి 30 (20 -30) గుడ్లను నేలలో పెడతాయి.

పొలంకి దగ్గరలో తుమ్మ ,వేప ,రేగు వంటి పొడవైన చెట్లు ఉన్నప్పుడు చెట్లు కొమ్మలు పడిపోయినప్పుడు ఈ తల్లి వేరు పురుగులకు ఆశ్రయ లభ్యత ఎక్కువగా ఉంటుంది.
పంట చేలకు దగ్గరగా పెంటకుప్పలు ఉన్నప్పుడు మరియు పూర్తిగా కుళ్ళని (మురగని) పశువుల ఎరువును పొలంలో చల్లినప్పుడు ఈ పురుగులు ఆశించే అవకాశం పెరుగుతుంది.

పొలంలో గ్రుడ్ల నుంచి వచ్చిన పిల్ల పురుగులు తొలుత అక్కడక్కడ ఉన్నాతేమ తగినంత లేని యెడల ఉధృతి పెరిగి పొలమంతా వ్యాపిస్తాయి.

Also Read : అరటిలో ఎరువుల యాజమాన్యం

గుర్తింపు చిహ్నాలు:-

తల్లి పెంకు పురుగులు ముదురు గోధుమ రంగు కలిగి సుమారు 12.25 మి.మీ పొడవు కలిగి ఉంటాయి. రాత్రి పూట చురుకుగా వ్యవహరించి చెట్లపై ఉన్న ఆకులను తిని జీవిస్తాయి. పగలు పొలంలోకి వెళ్లి భూమిలో గ్రుడ్లు పెడతాయి.
పిల్ల పురుగులు తెల్లగా ” C “ ఆకారంలో ఉంటాయి. మూడు దశల్లో ఈ పిల్ల పురుగులు జీవిత చక్రాన్ని ముగించి కోశస్థ దశలో ప్రవేశిస్తుంది.

జీవిత చక్రం:

గ్రుడ్ల దశ – 12 రోజులు
పిల్ల పురుగుల మొదటిదశ – 19 , 20 రోజులు
పిల్ల పురుగుల రెండవ దశ – 21 , 22 రోజులు
పిల్ల పురుగుల మూడవ దశ – 30 , 32 రోజులు
కోశస్థ దశ – 32 రోజులు
తల్లి పురుగు – 95 రోజులు , నిద్రావ్యవస్థ అయితే – 6 నెలలు

గాయపరిచే విధానం :

sugarcane crop ( చెరకు పంట )

వేరు పురుగులు ,మొక్కల యొక్క వేర్ల
ను మరియు కాండమును తినివేయుట వలన మొక్కల ఆకులు తొలుత పసుపు రంగుకు మారి క్రమేపి ఎండిపోతాయి.
ఈ పురుగు ఆశించిన మొక్కలు వాడి ,ఎండి చనిపోతాయి. మొక్కను పీకితే సులువుగా ఊడివస్తాయి.
మొక్కలు గుంపులు గుంపులుగా చనిపోతాయి. బెట్ట పరిస్థితుల్లో ఒక్కోసారి పంట మొత్తం చనిపోతుంది.

యాజమాన్య చర్యలు:

తల్లి పురుగు నివారణకు :-

తొలకరి వర్షాల సమయంలో దీపపు ఎర పెట్టడం వలన తల్లి పురుగులను ఆకర్షింపజేసి చంపవచ్చును. ఒక హెక్టారుకు పొలానికి ఒక దీపపు ఎర సరిపోతుంది.
పొలం చుట్టూ ఉన్న రేగు, తుమ్మ మరియు వేప చెట్ల కొమ్మలను కత్తిరించాలి. పడిపోయిన వాలిపోయిన చెట్ల కొమ్మలను తీసివేయాలి మరియు పెంట కుప్పలు లేకుండా పొలం శుభ్ర పరుచుకోవాలి.
చెట్ల పై వేప నూనె 5.0 మీ .లీ లేక మోనోక్రోటోఫాస్ 1.6 మీ.లీ లేక క్లోరి పైరిపాస్ 2.5 మీ.లీ లీటరు నీటికి కలిపి సాయంత్ర సమయంలో పిచికారి చేసుకోవాలి.
చెట్ల మొదళ్ళలో గల తల్లి పెంకు పురుగులను సేకరించి నాశనం చేయాలి.