Garlic Cultivation: వెల్లుల్లి సాగులో సస్యరక్షణ చర్యలు.!

Garlic Cultivation:

నేలలు:
బంక నేలలు , నీటి పారుదల మరియు మురుగునీటి వసతిగల సారవంతమైన గరప నేలలు అనుకూలం.

రకాలు:
రామ్ నగర్, జీ-41, ఊటీ-1,యమున , సఫెదా.

Garlic Cultivation

విత్తన శుద్ది:
2లీటర్ల ఆవు మూత్రం ,ఒక కిలో పశువుల పేడ, ఒక కిలో మట్టి (గట్టుమట్టి ) మరియు 150గ్రా|| ఇంగువను 10 లీటర్ల నీటిలో కలిపి ద్రావణం చేయాలి. నాటే ముందు పాయలను ఇందులో 15 నుండి 20 నిమిషాలు ఉంచి నాటుకోవాలి.

విత్తన మోతాదు:
ఎకరాకు 200 నుంచి 250 కిలోల విడి పాయలుగా సెప్టెంబర్ 15 నుండి అక్టోబర్ చివరి వరకు నాటుకోవచ్చు.

ఎరువుల యాజమాన్యం:

• ఎకరాకు 2500 కిలోల నాడేప్ కంపోస్ట్ వేయాలి.
• 125 కిలోల ఘనజీవామృతం వేస్తున్న విత్తనాలు నాటాలి.
• 30 రోజుల తర్వాత 125 కిలోల ఘనజీవామ్రుతం మొక్కల్లో మొదల దగ్గర వేయాలి.
• 45, 60 రోజులకు ద్రవ జీవామృతం నీటి తడులతోపాటు పాలించాలి.

Also Read: వెల్లుల్లి పండించే విధానం.. ప్రయోజనాలు..!

Garlic in the Ground

పురుగులు తెగులు నివారణ:

• పంట చుట్టూ రక్షక పంటగా జొన్న మొక్కజొన్న లేదా సజ్జ వడలు వేసుకోవాలి.
• పేనుబంక నివారణకు 5 శాతం వేప కషాయం లేదా నీమాస్త్రం పిచికారి చేసుకోవాలి.
• కుళ్లు తెగులు వల్ల మొలకలు వచ్చేటప్పుడు కుళ్లి పోతాయి. దీని నివారణకు విత్తే ముందు పాయలను తప్పనిసరిగా పైన తెలిపిన విధంగా విత్తన శుద్ధి చేసుకోవాలి.

నీటి యాజమాన్యం:

• పాయలు నాటిన వెంటనే మొదటి తడి ఇవ్వాలి.
• పది రోజులకు ఒకసారి నీటిని ఇవ్వాలి.
• గడ్డి ఎదిగే దశలో తప్పనిసరిగా నీరు కట్టాలి.

Garlic Farming in India

సస్య రక్షణ:
రసం పీల్చే పురుగులకు నివారణ 5 శాతం వేప గింజల కషాయం ఉమ్మెత్త ఆకుల కషాయం పిచికారి చేయాలి. బూడిద తెగులు ఆశించిన 6 లీటర్ల పుల్లటి మజ్జిగ పైరుపై 100 లీటర్ల నీటిలో కలిపి పిచికారి చేయాలి.

Also Read: వంగ సాగు సస్య రక్షణ