Sorghum Harvest: జొన్న పంట కోత సమయం లో తీసుకోవాల్సిన జాగ్రత్తలు

Sorghum Harvest: మన రాష్ట్రంలో జొన్న పంట ఖరీఫ్‌లో 3.0 లక్షల ఎకరాల్లోను, రబీలో 4.25 లక్షల ఎకరాల్లోను సాగుచేయబడుతున్నది. ఎకరా సరాసరి దిగుబడి ఖరీఫ్‌లో 638 కిలోలు, రబీలో 610 కిలోలు.

Sorghum Crop

జాగ్రత్తలు:

• పంట కోతకు వచ్చినపుడు కంకులు లేదా బుట్టలపై పొరలు ఎండినట్లు కనిపిస్తాయి. బాగా ఎండిన కండెలు మొక్కలపై క్రిందికి వేలాడుతూ కనిపిస్తాయి మరియు కండెలలోని గింజలను వేలి గోరుతో నొక్కినపుడు చాలా గట్టిగా ఉండి నొక్కులు ఏర్పడవు.

Sorghum Harvesting in India

• అంతేకాకుండా, బుట్టలోని గింజలను తీసి అడుగుభాగం పరీక్షించినచో (కొన్ని రకాలకు) ఒక నల్లని చార ఉండడం గమనించవచ్చు.
• ఈ దశలో గింజలో సుమారుగా 25-30 శాతం తేమ ఉంటుంది. కండెలను మొక్కల నుండి వేరుచేసి గింజలలో తేమ శాతం 12-15 వచ్చే వరకు 3-4 రోజులు ఎండలో బాగా ఆరబెట్టాలి.
• పేలాల రకం వేసినపుడు గింజలో 30-35% తేమ ఉన్నపుడే కండెలు కోసి నీడలో ఆరబెట్టాలి. ఎండలో ఆరబెడితే సరియైన పేలాలుగా మారక గింజ పగిలి నాణ్యత తగ్గుతుంది. తీపి రకం వేసినపుడు గింజ పాలుపోసుకునే దశలోనే కండెలు కోసుకోవాలి.
• బేబీకార్న్‌ కొరకు పీచు వచ్చిన 1 లేదా 2వ రోజున కోసుకోవాలి. ఆలస్యం చేసినట్లయితే బెండులో పీచుశాతం పెరిగి నాణ్యత తగ్గుతుంది. మొక్కజొన్నను పశువుల మేత కొరకు వేసినపుడు 50% పూతదశలో పైరును కోయాలి.

Also Read: పశుగ్రాస జొన్న సాగులో మెళుకువలు….

Sorghum Harvest

• ఈ దశలో కంకులను నూర్పిడి చేయుటకు (గింజలను బుట్ట నుండి వేరు చేయుట) ట్రాక్టరుతో నడుచు నూర్పిడి యంత్రం లేదా కరెంటుతో నడుచు నూర్పిడి యంత్రాలను ఉపయోగించవచ్చు. నూర్పిడి తరువాత 2-3 రోజులు ఎండలో ఆరబెట్టి, శుద్ధి చేసి గోనె సంచులలో గాని లేదా పాలిథీన్‌ సంచులలో గాని భద్రపరచి చల్లని తక్కువ తేమ గల ప్రాంతాలలో నిలువ చేయాలి.
• దీనితో బాటు నీరు గాని, ఎలుకలు, పురుగులు లేదా శిలీంద్రాలు మొదలగునవి రాకుండా ఎప్పటికప్పుడు తగు జాగ్రత్తలు తీసుకోవాలి.

Also Read: ప్రధాని మోదీ విడుదల చేసిన 35 పంట రకాల పూర్తి వివరాలు..