Pest Control Techniques: యాసంగి ఆరుతడి పంటలలో లద్దె పురుగులు యాజమాన్యం

Pest Control Techniques: ప్రస్తుతం యాసంగిలో ఆరుతడి పంటలను సాగు చేయడం ఎంతో లాభదాయకం. తక్కువ నీరు మరియు ఎరువులతో అధిక దిగుబడులను సాధించడంతో పాటు మార్కెట్లో సంప్రదాయ పంటలకు మంచి డిమాండ్‌  ఉండడం వలన అన్నదాతలు మంచి లాభాలు పొందవచ్చు. ప్రస్తుత యాసంగి లో ఆరుతడి పంటలైన పెసర మినుము వేరుశనగ మరియు వేసవి పంటగా సాగు చేస్తున్నారు. అయితే ఈ పంటలను పంట యొక్క తొలి దశ నుండి వివిధ రకాల  లద్దెపురుగులు ఆశించి తీవ్ర నష్టాన్ని కలుగజేస్తాయి కాబట్టి సకాలంలో గుర్తించి సస్యరక్షణ చర్యలు చేపట్టినట్లు అయితే అధిక దిగుబడులను పొందవచ్చు.

శనగపచ్చ పురుగు: తల్లి పురుగు లేత చిగుళ్లపై పూమొగ్గలు, లేత పిందెలపై గుడ్లను విడివిడిగా పెడుతుంది. గుడ్ల నుండి వెలువడిన నార పురుగులు మొగ్గల్ని గోకి  తింటూ తొలచి కాయలోకి తలని చొపించి మిగతా శరీరాన్ని బయట ఉంచి లోపల గింజలను తిని డొల్ల చేస్తాయి. వర్షం లేదా చిరుజల్లులు పడినప్పుడు లేదా రాత్రి ఉష్ణోగ్రత పెరిగినప్పుడు పురుగు ఉధృతి అధికంగా ఉంటుంది.

నివారణ: ఉధృతి అధికంగా ఉన్నప్పుడు పై స్పైనోశాడ్‌ 0.3 మిల్లీ లీటర్లు లేదా ఎమామెక్టిన్‌ బెంజోయేట్‌ 0.4 గ్రాములు లేదా ఫ్లూ బెండామైడ్‌ 0.2 మిల్లీలీటర్లు లేదా క్లోరాంట్రానిలిప్రోల్‌ 18.5 యస్‌.సి 0.3 మిల్లీ లీటర్లు ఏదో ఒక దానిని లీటరు నీటికి కలిపి పిచికారీ చేసుకోవాలి.

పైరు తొలిదశలో లద్దెపురుగు ఆకులలో పత్రహరితాన్ని గీకి తినడం వలన ఆకులు తెల్లగా మారతాయి మరియు కాయలను తిని వేస్తాయి ఈ పురుగులు పగటివేళ మొక్కల అడుగున లేదా మట్టి పిల్లల కింద దాగి రాత్రిపూట మొక్కలను ఆశించి నష్టాన్ని కలుగజేస్తాయి.

1. ఎకరానికి 4 నుండి 5 లింగాకర్షక బుట్టలను అమర్చాలి.

2.  ఏరా పంటలుగా ఆముదం లేదా పొద్దుతిరుగుడు ముప్పై నుండి నలభై మొక్కలు ఉండేలా  విత్తాలి.

3.  పురుగులు చిన్నవిగా ఉన్నప్పుడు 5 శాతం వేప గింజల కషాయం పిచికారీ చేసుకోవాలి.

4.  ఎండిన ఎదిగిన లార్వాలను నివారించేందుకు నోవాల్యురాన్‌ 200 మిల్లీ లీటర్లు లేదా 40 మిల్లీ లీటర్లు ఒక ఎకరానికి సరిపోయేలా 200 లీటర్ల నీటిలో కలిపి పిచికారీ చేసుకోవాలి.

5.  విషపు ఎర (వరి తవుడు 5 కిలోలు ప్లస్‌ బెల్లం అరకిలో మోనోక్రోటోఫాస్‌ 500 మిల్లీ లీటర్లు) ఎకరానికి పొలంలో సాయంత్రం వేళ మొదలు దగ్గర పురుగు నివారించుకోవాలి.

ఇటీవలి కాలంలో పెసర మినుము మరియు కంది పైర్లలో సుమారుగా మచ్చల పురుగు ఉధృతి ఎక్కువగా గమనిస్తున్నాం. దీనినే పూతపురుగు లేదా గూడుపురుగు అని కూడా అంటారు. గుడ్ల నుండి బయటకు వచ్చిన పిల్లపురుగులు వెంటనే  పూమొగ్గలోకి చొచ్చుకుపోయి లేత భాగాలను తింటూ ఉంటాయి. మొదట ఒకటి రెండు దశలలో పూమొగ్గలోనే ఉంటూ తరువాత లేత ఆకులను, పూతను, లేత పిందెలను మరియు కాయలను కలిపి గూడు చేసుకొని తినడం వల్ల పంట దిగుబడి తగ్గిపోతుంది. తొలిచిన కాయ రంద్రం దగ్గర లార్వా విసర్జితములు కనిపిస్తాయి. ఉదృతి అధికంగా ఉండి సరైన సమయంలో నివారించకపోతే దాదాపు 80 శాతం వరకు నష్టం కలుగుతుంది.

Also Read: సమస్యాత్మక సాగునీటి యాజమాన్యంలో జిప్సం బెడ్‌ ప్రాముఖ్యత

Leave Your Comments