Paddy Brown Plant Hopper: వరిలో సుడిదోమ సమగ్ర యాజమాన్యం..

తల్లి మరియు పిల్ల దోమలు పంట పిలక దశ నుండి ఈనికి దశ వరకు పంట నష్ట పరుస్తాయి.
దోమలు దుబ్బు అడుగు భాగాన చేరి ఆకుల తొడిమల నుండి రసాన్ని పీల్చి మొక్క ఎండిపోయేలా చేస్తాయి.
ఈ దోమలు రసం పీలుస్తున్నప్పుడు విషపూరిత లాలాజలాన్ని మొక్కలోకి చొప్పించడం వలన పంట ఎండిపోతుంది. దీనినే హాపర్‌ బర్న్‌ లక్షణం అంటారు.
వరి చిరుపొట్ట, పొట్ట దశలో సుడిదోమ, తెల్లవీపు దోమలు అడుగు భాగాన రసాన్ని పీల్చడం వల్ల పైరు పసుపు నుండి ఎరుపు రంగుకు మారి పైరు సుడులు సుడులుగా ఎండిపోతుంది.
దోమ ఆశించిన పంట, కాండం మెత్తబడి ఎండు గడ్డిగా పనికి రాకుండా పోతుంది.
Paddy Crop

సమగ్ర యాజమాన్యం :

నీరు నిలవకుండా ఎప్పటికప్పుడు పొలం నుండి నీరు తీసివేయాలి. పొలాన్ని అడపా దడపా ఆరబెట్టాలి.
వరుసలలో నాటుకోవాలి. చ.మీకు 33 మొనలు ఉండేట్లు చూసుకోవాలి.
ప్రతి రెండు మీటర్లకు 20 సెం.మీ. చొప్పున బాటలు ఏర్పాటు చేయాలి. దీనివల్ల గాలి, వెలుతురు బాగా ప్రసరిస్తాయి. మొదళ్ళ వద్ద మందు చల్లేందుకు కూడా ఉపయోగిస్తుంది.
సిఫారసు చేసిన మోతాదులో మాత్రమే నత్రజని ఎరువులు వాడాలి.
పొలంలో అక్కడక్కడా దీపపు కాంతి ఎరలను ఏర్పాటు చేయడం.
ఆర్థిక నష్టపరిమితి స్థాయి దాటినపుడు, బుప్రోఫెజిన్‌ – 1.6 మి.లీ./లీ. (లేదా) ఎసిఫేట్‌ – 1.5 గ్రా/లీ. (లేదా) ఇతోఫెన్‌ ఫాక్స్‌ – 2.0 మి.లీ./లీ. (లేదా) పైమిట్రోజైజైన్‌ – 0.6 మి.లీ. (లేదా) ఇమిడాఫ్రిడ్‌ – 0.4 మి.లీ./లీ. (లేదా) థయోమిథోక్సమ్‌ – 0.2 గ్రా/లీ. (లేదా) డైనోటెప్యురాన్‌ – 0.4 గ్రా/లీ. (లేదా) మోనోక్రోటోఫాస్‌ – 1.6 మి.లీ./లీ. (లేదా) ఇమిడాక్లోప్రిడ్‌ G ఎథిప్రోల్‌ -0.25 గ్రా./లీ. నీటికి కలిపి దుబ్బు మొదళ్ళ వద్ద పిచికారీ చేయాలి.
దోమలు ఎక్కువగా ఉంటే మోనోక్రోటోఫాస్‌ 2.2 మి.లీ. G డైక్లోరోవాస్‌ 1.0 మి.లీ.లీటరు నీటికి కలిపి దుబ్బు మొదళ్ళ వద్ద పిచికారీ చేయాలి.
పురుగు మందులు చేతిపంపుతో ఎకరానికి 200 లీ., అదే పవర్‌ స్ప్లేయర్‌ అయితే 120 లీ., మందు ద్రావణం మొక్క మొదళ్లు బాగా తడిచేటట్లు పిచికారీ చేయాలి.

Paddy Brown Plant Hopper

-డా.జి. చిట్టిబాబు సస్యరక్షణ శాస్త్రవేత్త ,
డా.పి. వెంకట రావు విస్తరణ శాస్త్రవేత్త,
డా. జే. జగన్నాధం సమన్వయ కర్త,
ఫోన్‌ : 97052 09418, 98490 35068
ఏరువాక కేంద్రం, శ్రీకాకుళం.

Also Read: Rice Stem Borer: వానాకాలం లో వరి కాండము తొలుచు పురుగు ఇలా నివారించండి.!

Must Watch: