వేసవికి అనువైన పెసర మరియు మినుము రకాలు

తెలంగాణ రాష్ట్రంలో వేసవిలో పండించే అపరాలలో పెసర, మినము, అలసందలు ప్రధానమైనవి. పెసర మరియు మినుము వేసవిలో దాదాపు 1-1.2 లక్షల ఎకరాలలో సాగు చేయబడుతుంది. వానాకాలంలో పత్తి సాగు చేసిన రైతులు వేసవిలో  పత్తి విస్తీర్ణం దాదాపుగా పెసర, మినుము పంటలని సాగు చేయడం జరుగుతుంది. వానాకాలం మరియు రబీతో పోల్చినపుడు పెసర, మినుములో వేసవిలో చీడ – పీడలు తక్కువగా ఆశించడం వలన 3 – 4 నీటి తడులు ఇచ్చుకునే అవకాశం ఉన్న రైతులు పెసర, మినుము సాగు చేయడానికి ఎక్కువగా ఆసక్తి చూపుతున్నారు.

పెసర రకాలు :

1) డబ్యు. జి.జి – 42 (యాదాద్రి) :

పంటకాలం :  55 – 60 రోజులు

దిగుబడి  సామర్ధ్యం : 13-14 క్వి /హె

లక్షణాలు :  పొడవైన కాయతో పల్లాకు తెగులును సమర్థవంతంగా తట్టుకొంటుంది.

2) డబ్యు. జి.జి – 37 (ఏకశిల) :

పంటకాలం : 60 – 65 రోజులు

దిగుబడి సామర్ధ్యం :- 12 – 15 క్వి /హె

లక్షణాలు :  ఒకేసారి కోతకు వచ్చి పల్లాకు తెగులును తట్టుకుంటుంది.

3) యం.జి .జి-347 (మధిర పెసర) :

పంట కాలం     : 65 రోజులు

దిగుబడి సామర్ధ్యం :  12 – 15  క్వి /హె

లక్షణాలు :- ఆకుమచ్చ తెగులు, పల్లాకు తెగులు, తామరపురుగు బెట్ట పరిస్థితులను కొంతవరకు తప్పుకుంటుంది.

4) యం.జి .జి  – 351 (శ్రీరామ) :

పంట కాలం :  70 -75 రోజులు

దిగుబడి సామర్థ్యం : 14 – 15 క్వి /హె

లక్షణాలు :  కొంతవరకు పల్లాకు తెగులును తట్టుకుంటుంది.

5) యం.జి .జి – 385 (మధిర షరర – 1) :

పంటకాలం : 70 -76 రోజులు

దిగుబడి సామర్ధ్యం : 15 – 16 క్వి /హె

లక్షణాలు : మొవ్వకుళ్ళు, ఆకుముడత, పల్లాకు తెగులు, ఆకుమచ్చ, మారుకా మచ్చల పురుగును కొంతవరకు తట్టుకోగలదు.

మినుము రకాలు :

1) యం. బి. జి :1080

పంట కాలం  : 80 – 95 రోజులు

దిగుబడి సామర్థ్యం : 6 – 7 క్వి /హె

లక్షణాలు : పల్లాకు తెగులు, మారుకా మచ్చల పురుగు సమర్ధవంతంగా తట్టుకుంటుంది.

2) యం.బి.జి-1070 (మధిర మినుము-1 ) :

పంట కాలం : 75 – 80 రోజులు

దిగుబడి  సామర్థ్యం : 6 – 7 క్వి /హె

లక్షణాలు : పల్లాకు తెగులు,  మారుకా మచ్చల పురుగును తట్టుకుంటుంది.

3) పి. యు – 31 :

పంట కాలం : 70-75 రోజులు

దిగుబడి సామర్థ్యం : 5 – 6 క్వి /హె

లక్షణాలు :  కాయల మీద నూగు ఉంటుంది. పల్లాకు తెగులు సమర్థవంతంగా తట్టుకొంటుంది.

4) టి. బి. జి : 104

పంట కాలం : 70 – 75 రోజులు

దిగుబడి  సామర్థ్యం : 8 – 9 క్వి /హె

లక్షణాలు :  మధ్యస్థ లావు గింజ కల్గిన ,పల్లాకు తెగులును తట్టుకునే వాలిష్ రకం.

5) జి. బి. జి – 1

పంట కాలం : 70 – 75 రోజులు

దిగుబడి  సామర్థ్యం : 6 – 7 క్వి /హె

లక్షణాలు : అన్నికాలాలకు అనువైన పల్లాకు తెగులును తప్పుకునే పాలిష్ రకం.

6) ఎల్. బి . జి  – 709

పంట కాలం : 80-85 రోజులు

దిగుబడి  సామర్థ్యం : 6 – 7 క్వి /హె

లక్షణాలు :   కాయల పై నూగు ఉంటుంది. మాగాణి భూములలో ఆలస్యంగా డిసెంబరు చివరి వరకు విత్తుటకు అనువున పాలిష్ రకము.

7)  ఎల్. బి. జి – 752

పంట కాలం : 75 – 80 రోజులు

దిగుబడి  సామర్థ్యం : 7 – 8 క్వి /హె

లక్షణాలు : గింజ లావుగా ఉండి తెగులును తట్టుకుంటుంది.

డా. పి. గోన్యానాయక్, డా. యమ్ మధు, డా. ఎ. వెంకట్ రెడ్డి, డా.జి పద్మజ, డా.యమ్.నాగర్ మరియు డా. ఆర్. ఉమారెడ్డి ప్రాంతీయ వ్యవసాయ పరిశోధనా స్థానము, వరంగల్.