Biofertilizers: జీవన ఎరువులు

Biofertilizers: వ్యవసాయంలో  సుక్ష్మ జీవుల పాత్ర చాల గొప్పది . ఎందుకంటె ఇవి నత్రజనిని స్థిరికరిస్తాయ్, పోషకాలను కరిగిస్తాయి , పోషకాలను విచ్చినం చేసే లక్షణాలను కలిగి ఉంటాయి . ఈ సుక్ష్మజివులు సహజంగానే భూమిలో ఉంటాయి . కానీ వీటి సంఖ్య త్వరితంగా తగ్గుతూ ఉంటుంది . పంటల దిగుబడిని పెంచడానికి వేరు మండలంలో ఉండి సుక్ష్మజివులను గ్రహించి , కృత్రిమంగా పెంచి ఎక్కువ సంఖ్యలోకి తెచ్చి సూటి అయిన ఘనపదార్థలలో కలిపి మరల భూమిలో వేయవచ్చు. వీటినే జీవన ఎరువులు అంటారు.

Biofertilizers

• జీవన ఎరువులు లేదా మైక్రోబియల్ ఇనాక్యులెంట్ అనేవి పొడి రూపంలో లేదా ద్రవ రూపంలో ఉన్నా ముఖ్యమైన ఉపయోగకరమైన సుక్ష్మజివులను కలిగి ఉండి విత్తనానికి కలిపే లేదా నేలలో వేసే ఎరువులు. ఈ జీవన ఎరువులలో ఉండే సూక్ష్మజీవులు మొక్క వేరు బుడిపెలలోకి లేదా వేరు మండలంలోకి ప్రవేశించి మొక్కలకు అవసరమైన పోషకాలను అందుబాటులోకి తెచ్చి మొక్క పెరుగుదలకు ఎంతగానో తోడ్పడతాయి. 

Also Read: జీవన ఎరువులు పాముఖ్యత…

జీవన ఎరువులను వాటి క్రియాశీలతను, వాడె విదానాన్ని బట్టి వివిధ రకాలుగా విభజించారు

1. నత్రజనిని స్థిరికరించే జీవన ఎరువులు
2. భాస్వరంను కరిగించి మొక్కలకు అందించే సుక్ష్మ జీవులు 
3. పొటాషియం ను మొక్కలకు అందించేవి 
4. జింక్ ను కరిగించే సుక్ష్మ జీవులు 
5. సేంద్రియ పదార్థాలను విచ్చినం చేసే సుక్ష్మ జివులు 
6. వేరు మండలంలో ఉండి మొక్క పెరుగుదలకు దోహదం చేసే వేరు బాక్టీరియా.

జీవన ఎరువులు వాడుకొనే పద్ధతులు : ముఖ్యంగా జీవన ఎరువులను నాలుగు పద్దతులలో ఉపయోగించవచ్చు. 1. విత్తన శుద్ధి  2. నారును ముంచే పద్ధతి 3. నేల ద్వారా /భూమిలో చల్లడం 4. డ్రిప్ పద్ధతి 

Importance of Biofertilizers

జీవన ఎరువులను వాడుకునేటప్పుడు తీసుకోవలసిన జాగ్రతలు:

• పొలంలో జీవన ఎరువులు వాడిన తర్వాత ఒక వారం రోజుల వ్యవదిలో రసాయనిక ఎరువులు వాడాలి.
• ఉదయం /సాయంత్రం నిడ ఉన్న సమయంలో జీవన ఎరువులు వాడటం మంచింది.
• జీవన్ ఎరువులను వాడేటప్పుడు లేదా మొదటిసారిగా వినియోగించేఅపుడుసంబందిత శాస్త్రవేత్తలను గాని/వ్యవసాయ అధికారులను గాని సంప్రదించి వారి సలహా మేరకు వాడుకోవటం మంచిది.
• భాస్వరం,పోటాష్ ,జింక్ సంబందిత జీవన ఎరువులు అన్ని రకాల పంటలలో వాడుకోవచ్చు.

Also Read: జీవన ఎరువుల వాడకం వలన అధిక ప్రయోజనాలు..