Published By 
శ్రీ కొండా లక్ష్మణ్ తెలంగాణ హార్టికల్చరల్ యూనివర్సిటీ, బిస్లెరీ మధ్య ప్లాస్టిక్ రీసైక్లింగ్ భాగస్వామ్యం: ప్లాస్టిక్ రహిత విశ్వవిద్యాలయంగా ఉండడమే లక్ష్యం
శ్రీ కొండా లక్ష్మణ్ తెలంగాణ హార్టికల్చరల్ యూనివర్సిటీ (SKLTGHU), ములుగు, సిద్దిపేట జిల్లా మరియు బిస్లెరీ ఇంటర్నేషనల్ ప్రైవేట్ లిమిటెడ్ సంస్థ కీలకమైన ఒప్పందంపై 2025,అక్టోబర్ 11న సంతకాలు చేశాయి. విశ్వవిద్యాలయ ప్రాంగణంలో ‘బాటిల్స్ ఫర్ ఛేంజ్’ (Bottles for Change) అనే సామాజిక బాధ్యత (CSR) కార్యక్రమాన్ని అమలు చేయడానికి ఈ భాగస్వామ్యం కుదిరింది. ప్లాస్టిక్ వ్యర్థాల నిర్వహణపై విద్యార్థులు, సిబ్బందిలో సామాజిక స్పృహను పెంపొందించడం, ప్లాస్టిక్ను బాధ్యతాయుతంగా పారవేసి రీసైక్లింగ్ చేసేలా అవగాహన కల్పించడం ఈ కార్యక్రమం యొక్క ప్రధాన లక్ష్యం.
ఈ సందర్భంగా ఉద్యానవర్సిటీ ఉపకులపతి గౌరవ డాక్టర్ దండ రాజ రెడ్డి గారు మాట్లాడుతూ, ఈ ‘బాటిల్స్ ఫర్ ఛేంజ్’ కార్యక్రమం ప్లాస్టిక్ను కేవలం వ్యర్థంగా కాకుండా, రీసైక్లింగ్కు ఉపయోగపడే విలువైన వనరుగా గుర్తించాలని ఆయన సందేశం ఇచ్చారు. ఈ ఒప్పందం కింద, యూనివర్సిటీ ఉపయోగించిన ప్లాస్టిక్ను ప్రాంగణం నుంచే వేరు చేసి, శుభ్రంగా రీసైక్లింగ్కు పంపడం, ప్లాస్టిక్ను వ్యర్థంగా కాకుండా, రీసైక్లింగ్కు ఉపయోగపడే వనరుగా గుర్తించేలా ఉండాలని, తద్వారా ప్లాస్టిక్ పారవేసే అలవాట్లలో మార్పు తీసుకురావాలని ఈ కార్యక్రమం ప్రోత్సహిస్తుందని ఆయన తెలిపారు.
బిస్లెరీ సంస్థ తమ వంతు బాధ్యతగా, ప్రాంగణంలోని విద్యార్థులు, అధ్యాపకులు, బోధనేతర సిబ్బంది మరియు హౌస్ కీపింగ్ సిబ్బందికి ప్లాస్టిక్ నిర్వహణపై తగిన శిక్షణను అందిస్తుంది. అలాగే, సేకరించిన ప్లాస్టిక్ మొత్తాన్ని తమ అధీకృత రీసైక్లింగ్ భాగస్వాముల ద్వారా నేరుగా రీసైక్లింగ్ కేంద్రాలకు చేరేలా చూస్తుంది. సేకరించిన ప్లాస్టిక్ వివరాలను, వాటిపై సర్టిఫికెట్లను యూనివర్సిటీకి అందజేస్తుంది. ఈ భాగస్వామ్యం ద్వారా క్యాంపస్లో పర్యావరణ పరిరక్షణకు, స్థిరమైన వ్యర్థాల నిర్వహణకు బలమైన పునాది పడినట్లు అధికారులు తెలిపారు.
ఈ కార్యక్రమానికి రిజిస్ట్రార్ డాక్టర్ ఎ. భగవాన్ మరియు బిస్లెరీ ఇంటర్నేషనల్ ప్రైవేట్ లిమిటెడ్ సంస్థ డైరెక్టర్ కే గణేష్ డీన్ ఆఫ్ హార్టికల్చర్ మరియు డీన్ ఆఫ్ స్టూడెంట్ అఫైర్స్ డాక్టర్. జె. చీనా నాయక్, డైరెక్టర్ ఆఫ్ రీసెర్చ్ డాక్టర్. డి. లక్ష్మీనారాయణ, డైరెక్టర్ ఆఫ్ ఎక్స్టెన్షన్ మరియు డీన్ ఆఫ్ పిజి స్టడీస్ డాక్టర్ సురేష్ కుమార్, డైరెక్టర్ ఆఫ్ ఇండస్ట్రియల్ అండ్ ఇంటర్నేషనల్ ప్రోగ్రామ్స్ మరియు కంట్రోలర్ ఆఫ్ ఎగ్జామినేషన్స్ డాక్టర్ ఎన్ శ్రీనివాసన్, ఆఫీసర్ ఇంచార్జ్ డాక్టర్ విజయ మరియు డాక్టర్ జి సతీష్ పాల్గొన్నారు.
Leave Your Comments
