Published By 
farming on lease: వ్యవసాయం చేయాలనీ ఆశ ఉన్నప్పటికి చాలా మంది రైతులకు సొంత భూమి లేక వ్యవసాయానికి దూరంగా ఉంటున్నారు. భూమిని కౌలుకు తీసుకుని వ్యవసాయం చేయాలనీ అనుకున్నప్పటికీ సరైన లాభాలు లేక్ ఆ అవకాశాన్ని కూడా వదులుకుంటున్న రైతుల కోసం ప్రస్తుతం సరికొత్త ఆలోచనకు శ్రీకారం చుట్టింది కేంద్ర ప్రభుత్వం. సొంత భూమి లేని మరియు వ్యవసాయం చేయాలన్న ఆశ ఉన్నవారికి ప్రభుత్వ భూమిని వ్యక్తికి లీజుకు ఇస్తుంది. అవును ఇప్పుడు మీరు ప్రభుత్వ మరియు బంజరు భూములలో కూడా వ్యవసాయం చేయవచ్చు.
రైతుల సంక్షేమం కోసం మోదీ ప్రభుత్వం అనేక పథకాలు అమలు చేస్తోంది. ఇప్పుడు రైతులకు ప్రభుత్వ భూమిని కౌలుకు ఇచ్చే ప్రక్రియకు శ్రీకారం చుట్టింది. బంజరు మరియు ప్రభుత్వ భూములను సాగు చేసేందుకు రంగం సిద్ధమైంది. అందులో భాగంగా గుజరాత్ తన బంజరు మరియు సారవంతమైన భూములను రైతులకు లీజుకు ఇవ్వాలని నిర్ణయించిన మొదటి రాష్ట్రంగా అవతరించింది. గుజరాత్ తర్వాత యూపీ, బీహార్‌, మధ్యప్రదేశ్‌, జార్ఖండ్‌, అస్సాం, హిమాచల్‌ప్రదేశ్‌ సహా అనేక రాష్ట్రాలు ఈ చట్టాన్ని అమలు చేశాయి.అటువంటి పరిస్థితిలో ఇప్పుడు సామాన్యుడి నుండి రైతు వరకు చాలా తక్కువ ధరలకు ప్రభుత్వ భూమిని కౌలుకు తీసుకొని వ్యవసాయం చేయడం ద్వారా లాభం పొందవచ్చు, అయితే దీనికి అవసరమైన కొన్ని షరతులు ఉన్నాయి, కాబట్టి ఈ షరతులు ఏమిటో తెలుసుకుందాం..
ముఖ్యమైన షరతు ఏమిటంటే ఈ ప్రభుత్వ భూముల్లో ఔషధ మొక్కలు లేదా పండ్లను మీరు మాత్రమే పెంచాల్సి ఉంటుంది. ఈ ప్రభుత్వ భూములను రైతులు కాని వారు కూడా కౌలుకు తీసుకోవచ్చు. భూమిని లీజుకు తీసుకోవాలనుకునే వారికి ప్రభుత్వ భూమిని లీజుకు ఇవ్వాలా వద్దా అనేది హైపవర్ కమిటీ, కలెక్టర్ మాత్రమే నిర్ణయిస్తారు. గుజరాత్‌లోని ఈ చట్టం ప్రకారం ఈ ప్రభుత్వ భూములను లీజుకు తీసుకున్న మొదటి 5 సంవత్సరాలకు ఎటువంటి రుసుము వసూలు చేయబడదు. వ్యవసాయ రంగాన్ని ముందుకు తీసుకెళ్లడంలో కేంద్రంలోని మోదీ ప్రభుత్వం చాలా సీరియస్‌గా ఉందని ఈ నిర్ణయాలను బట్టి చూస్తే అర్ధం అవుతుంది. అటువంటి పరిస్థితిలో ఈ చట్టం వ్యవసాయ రంగాన్ని ప్రోత్సహించడమే కాకుండా, ఔషధ మొక్కలు మరియు ఉద్యానవనాల పెంపకాన్ని కూడా ప్రోత్సహిస్తుంది.
