Environmental pollution: పర్యావరణ కాలుష్యానికి కారణాలు మరియు నివారణకు చేపట్టవలసిన అంశాలు

Environment సహజ పర్యావరణానికి ఎలాంటి హాని జరిగినా దానిని “పర్యావరణ కాలుష్యం” అంటారు. మానవుల కనీస అవసరాలకే కాకుండా, సుఖ సౌఖ్యాలకు సహజ వనరులను విచక్షణా రహితంగా దుర్వినియోగం చేయడం వలన పర్యావరణ సమతుల్యత దెబ్బతిని కాలుష్యానికి గురవుతున్నది.

• పంచ భూతాలైన నీరు, గాలి, నేల, అగ్ని, ఆకాశములలో మనకు అందుబాటులో ఉన్న నీరు, గాలి, నేల చాల వరకు కాలుష్యానికి గురవుతున్నాయి.
• జనావరణం నుండి బయటకు విడుదలయ్యే వ్యర్థాలు, కర్మాగారాల నుండి విడుదలయ్యే వ్యర్ధాలు, వ్యవసాయం లో వాడే రసాయన ఎరువులు, పురుగు మందులు మొదలైన పదార్థాల చేత నేల, నీరు, గాలి కలుషిత మవుతున్నాయి.
• గాలిలో CO, శాతం పెరగడం వల్ల వాతావరణ ఉష్ణోగ్రతలు పెరిగి పంట దిగుబడులు తగ్గుతున్నాయి.
• వాహనాలు, పరిశ్రమలు గాలి లోనికి వదిలే విష వాయువుల వలన గాలి కలుషిత మవుతున్నది.

• నేలలో వేయబడిన సేంద్రియ పదార్ధం అనేక సూక్ష్మ జీవుల చర్య వలన కుళ్ళి హ్యూమస్ గా మారి మొక్కల పెరుగుదలకు ఉపయోగ పడుచున్నది. కాని నేలలో వేసే చెడు పదార్ధములను మార్చే శక్తి సూక్ష్మ జీవులకు లేదు ఉదా: ప్లాస్టిక్ పదార్ధాలు
• నిత్యం అనేక వ్యర్ధ పదార్ధాలను నేలకు చేర్చడం అతి త్వరలో నేల నిర్జీవ పదార్ధం గా మారడం దీని వల్ల భావి తరాల వారికి పంటలు పండించే నేలను ఇవ్వలేని పరిస్థితి ఏర్పడుతుంది.

కాలుష్య నివారణకు చేపట్టవలసిన అంశాలు:

• సమగ్ర సస్య రక్షణ (IPM), సమగ్ర పోషక రక్షణ (INM), చేపట్టి చెడు కలిగించే రసాయన వాడకాలను తగ్గించాలి.
• పరిశ్రమల నుండి వచ్చే భారీ లోహాలను, పట్టణ ప్రాంతాలనుండి వచ్చే వ్యర్ధాలను వ్యవసాయ భూముల లోనికి రాకుండా చూసుకోవాలి.
• సేంద్రీయ పదార్ధాలను ఒక పధ్ధతి ప్రకారం కుళ్ళు నట్లు చేయాలి.
• లవణ కాలుష్యాన్ని మురుగు నీరు పారే వ్యవస్థను మెరుగు పరచి తగ్గించాలి.
• పరిశ్రమలనుండి వెలువడే కాలుష్యాన్ని నివారించడం వల్ల ఆమ్ల వర్షాలను అరికట్టవచ్చు.
• రేడియో ధార్మిక పదార్ధాలు జీవావరణం లోనికి ప్రవేశించ కుండా జాగ్రత్తలు తీసుకోవాలి.
• అనివార్య పరిస్థితులలో అభివృద్ధి పేరిట కాలుష్య పరిస్థితులను కొన్ని ప్రాంతాలకే పరిమితం చేయాలి.