Chicken Breeds: కోళ్ల జాతులు మరియు వాటి ప్రత్యేకత

Chicken Breeds: స్థానిక కోళ్ల పెంపకం అనేది ఒక రకమైన వ్యవసాయ అభ్యాసం, ఇది స్థానిక కోళ్లను లేదా స్వదేశీ కోళ్లను గుడ్డు ఉత్పత్తి, మాంసం ఉత్పత్తి లేదా కొన్ని పరిస్థితులలో ఈకలను పెంచడం వంటి వాటిని కలిగి ఉంటుంది.

Chicken Breeds

కోళ్ల జాతులు:

కారీ నిర్ బీక్ ( అసీల్ క్రాస్)

అసీల్ అంటే ‘స్వచ్ఛత’ అని అర్థం. ఈ జాతి కోళ్ళు బాగా బలంగా,ఠీవితో తట్టుకునే శక్తి ఎక్కువగా, దెబ్బలాడే గుణం కలిగి ఉంటాయి.
ఈ జాతి కోళ్ళకు ఆంధ్ర ప్రదేశ్ రాష్ట్రం పుట్టినిల్లు.
ఈ కోళ్ళ చాలా పెద్దవిగా, అందంగా ఉంటాయి.
పుంజులు 3-4 కిలోల వరకు బరువు ఉండి, పెట్టలు 2-3 కిలోల ఉంటాయి.
గ్రుడ్లు పెట్టే వయస్సు 196 రోజులు
సంవత్సరములో గ్రుడ్లు ఉత్పత్తి -92
7. 40 వారాల వయస్సులో గ్రుడ్ల బరువు 50గ్రా.

Aseel Cross

కారీ శ్వామా (కడకనాథ్ క్రాస్)

ప్రాంతీయంగా ‘కలమాశి’ అంటారు, అంటే దీని అర్ధం నల్లని మాంసం కలది – మధ్యప్రదేశ్ లోని జాబ్యూ మరియు ధర్ జిల్లాలు, రాజస్ధాన్ మరియు గుజరాతీ సరిహద్దు ప్రాంతాలలో సుమారు 800 చ. మైళ్ళ విస్తీర్ణంలో వ్యాపించి వుంటాయి.
వీటిని ఎక్కువగా కొండ జాతులు, ఆదివాసి ప్రజలు,గ్రామీణ ప్రాంతాలలో పెంచుతారు. దీనిని పవిత్ర మైన జాతిగా గుర్తించి, దీపావళి పండుగలో దేవునికి నైవేధ్యంగా పెడతారు.
రోజుల కోడి పిల్ల నీలం రంగు నుంచి నలుపు వరకు ఉండి, వీపు మీద ముదురు రంగు గీతలు ఉంటాయి. ఈ జాతి మాంసం నల్లగా ఉన్నా, దీనికి చాలా ఔషధ విలువలతోపాటు.సెక్సు సామర్ధ్యాన్ని పెంచుతుందని నమ్ముతారు

Kadaknath Cross

ఆదివాసీ దీని రక్తాన్ని చాలా దీర్ఘ కాల జబ్బులకు ఉపయోగిస్తారు.
గ్రుడ్లు, మాంసం లో ప్రొటీన్లు (25.47%) మరియు ఇనుము ఎక్కువగా ఉంటుంది.
20 వారాల వయస్సులో 920గ్రాముల బరువు ఉంటుంది.
గ్రుడ్లు పెట్టే వయస్సు – 180 రోజులు.
సంవత్సరనికి గ్రుడ్ల ఉత్పత్తి – 105
40 వారాల వయస్సుకి గ్రుడ్ల బరువు 49 గ్రా
గ్రుడ్లు పెట్టే సామర్ధ్యం – 55%.

హితకారీ (నేకడ్ నెక్ క్రాస్)

ఈ జాతి పెద్దగా ఉండి పొడవైన ఈకలు లేని మెడ ఉంటుంది.
మగ కోడిలో పరిపక్వ దశకు వచ్చే సరికి మెడ భాగం ఎర్రగా మారుతుంది.
కేరళ లోని త్రివేండ్రం దీనికి పుట్టినిల్లు.
20 వారాలు వయస్సులో దాని బరువు 1005 గ్రా
గ్రుడ్లు పెట్టే వయస్సు 201 రోజులు.
గ్రుడ్ల ఉత్పత్తి సంఖ్య 99 సంవత్సరానికి
40 వారాలు వయస్సులో గ్రుడ్లు బరువు 54 గ్రా
గ్రుడ్లు పెట్టే సామర్ధ్యం – 66%

Also Read: టర్కీ కోళ్ళ పెంపకం లో పోషక యాజమాన్యం

Naked neck cross

ఉపకారి (ఫ్రిజెల్ క్రాస్)

దేశవాళీ కోడిలాగా ఉండి, ఉష్ణ ప్రాంతాలకు, బాగా అలవాటు పడి, రోగనిరోధక శక్తి బాగా ఉండి, మంచి పెరుగుదల, ఉత్పత్తి సామర్ధ్యం కలిగి ఉంటుంది.
పెరటిలో పెంచేందుకు బాగా అనువైనది.
ఉపకారి కోళ్ళ వివిధ వాతావరణ పరిస్ధితులకు అనువైన రకాలు
కడకనాధ్ x డెహలామ్ రెడ్
అసిల్ x డెహలామ్ రెడ్
నేకడ్ నెక్ x డెహలామ్ రెడ్