Bamboo Cultivation: వెదురును పేదవాడి కలప , పచ్చ బంగారం , ప్రజల స్నేహితుడు అంటారు. బారతదేశంలో 23 జాతులకు చెందిన 136 రకాలైన దేశీయ, విదేశి వెదురు రకాలు అందుబాటులో ఉన్నాయి.ఇది ఆకు రాల్చు ,సతత హరిత మొక్కగా ప్రసిద్ది. ఇది ఒక లిటరు నీటిని తీసుకోని 6.6 గ్రాముల కలపను యిస్తుంది.
![Bamboo Trees](https://eruvaaka.com/wp-content/uploads/2022/01/Bamboo-Trees-200x300.jpg)
Bamboo Trees
వ్యాప్తి : మన దేశంలో 13.7 మిలియన్ హెక్టార్లలో పెరుగుతూ 12.5 మిలియన్ మెట్రిక్ టన్నుల దిగుబడి కలిగి ఉన్నది. తెలంగాణలోని ఆదిలాబాద్, ఖమ్మం , వరంగల్, నిజామాబాదు లో విరివిగా సాగు చేస్తున్నారు. తేమ గల వాగుల వెంబడి , పర్వత కొండ వాలు వెంబడి తేమ వాతావరణం గల లోయలలో , కొండ ప్రాంతాలలో, పల్లపు ప్రాంతాలల్లో, ఉష్ణ సమ శీతోష్ణస్థితి , శీతల ప్రదేశాలలో పెరుగుతుంది. సముద్ర మట్టానికి 400 మీటర్ల ఎత్తు ఉన్న ప్రాంతాలలో కూడా పెంచవచ్చు. వెదురుకు 8-36 డిగ్రీ సెంటి గ్రేడ్ ఉష్ణోగ్రత, సగటు వర్షపాతం 1000 మీ.మీ అవసరం. గాలిలో తేమ ఎక్కువగా ఉంటె బాగా పెరుగుతుంది.
నేలలు : ఇసుకతో కూడిన బంకమన్ను , ఎర్ర నేలలు , నల్ల రేగడి నేలలు అనుకూలం . నేలలో ఉదజని సూచిక 6.5-7.5 వరకు ఉండాలి.
Also Read: వెదురు పిలకల కూర అద్భుతం
రకాలు :
డేన్ద్రోకేలమస్ స్త్రిక్టాస్ : ఇది సాదారణంగా ఎక్కువ విస్తీర్ణంలో సాగులో ఉంది . ఇది గట్టి బొంగు జాతి కానీ మద్యలో చిన్న రంద్రం ఉంటుంది . గరుకుగా ఉన్నా మంచి నీటి వసతి గల పొడి నేలలో పెరుగుతుంది. ఇది ముళ్లు లేని రకం.
![Bamboo](https://eruvaaka.com/wp-content/uploads/2022/01/Bamboos-300x185.jpg)
Bamboo
బాంబుస అరుండినేరియ : ఇది సాదారణంగా ఇసుకతో కూడిన బంకమన్ను నేలలో , రాళ్ళు కలిగిన బంకమన్ను నేలలో పెరుగుతుంది ,దిని బొంగు వాలుగా ఉండి లోపల బోలుగా ఉంటుంది.కణుపులు దగ్గరగా ఉంటాయి , ఇది ముళ్లు కలిగిన రకం.
నాటే ప్రదేశాలు :పంట పొలాల్లో గట్ల చుట్టూ 4 మీటర్ల ఎడంతో పెంచవచ్చు . అదే తోటగానైతే 5*5 మీటర్ల ఎడంతో నాటుకోవచ్చు
![Bamboo Cultivation](https://eruvaaka.com/wp-content/uploads/2022/01/Bamboo-Cultivation.jpg)
Bamboo Cultivation
వెదురులో దిగుబడి నాలుగు సంవత్సారల తర్వాత నుండి తీసుకోవాలి.
Also Read: వెదురు సాగుకు మధ్యప్రదేశ్ ప్రభుత్వం 50% సబ్సిడీ