Ashwagandha Cultivation Techniques: అశ్వగంధ సాగులో మెళుకువలు.!

Ashwagandha Cultivation Techniques: దీనిని తెలుగులో పెన్నేరు గడ్డలు అని కూడ పిలుస్తారు. దీని పేర్ల నుండి విథాఫెరస్ ‘ఎ’ మరియు’బి’ ను ఆల్కలాయిడ్స్ లభిస్తాయి. దీని వేర్లు మరియు ఆకులు ఆయుర్వేద మరియు యునాని ఔషధ తయారీకి ఉపయోగిస్తారు.

Ashwagandha Cultivation Techniques

Also Read: Ashwagandha Cultivation: ఏడాది పొడవునా డిమాండ్ ఉన్న పంట అశ్వగంధ

నేలలు: ఇసుక లేదా తేలికపాటి ఎర్రనేలలు అనుకూలం. ఉదజని సూచిక 7.5 – 8.0 ఉండాలి.

వాతావరణం: ఖరీఫ్ లో ఆలస్యంగా సాగుచేస్తారు. కనీసం 65-70 సెం.మీ. వర్ష పాతం అవసరం. వర్ష పాతం సరిపోనియెడల 2-3 సార్లు నీటి తడులివ్వాలి. పొడి వాతావరణము సాగుకు అనుకూలం.

రకాలు: జవహార్ అశ్వగంధ -20, పోషిత, రక్షిత మరియు నాగోర్.

విత్తే సమయం: ఖరీప్ జులై-అగస్టులో విత్తుకోవాలి. (జులై- డిసెంబర్/జనవరి), అక్టోబర్-నవంబర్లో నీటిపారుదల క్రింద రెండవ పంటగా వేసుకోవచ్చు.

విత్తన మోతాదు: ఎకరాకు 6-8 కిలోలు (నేరుగా విత్తేందుకు) కనీసం 5 రెట్లు ఇసుకతో కలిపి విత్తుకోవాలి.

నాటే దూరం: వరుసలలో నాటుకోవడం అంత లాభసాటి కాదు. వెదజల్లడం వలన మొక్కల సాంద్రత ఎక్కువ ఉంటుంది. తద్వారా దిగుబడి కూడ ఎక్కువ వస్తుంది.

ఎరువులు: ఆఖరి దుక్కిలో ఎకరాకు 4-5 టన్నులు పశువుల ఎరువు, 20 కిలోల భాస్వరం మరియు 16 కిలోల పొటాష్ వేసుకోవాలి.

నీటి యాజమాన్యం: వర్షాధారంగా సాగుచేస్తే పంటకాలంలో 2-3 సార్లు నీటి తడులువ్వాలి.

అంతర కృషి: నేరుగా విత్తినప్పుడు 20-25 రోజుల తర్వాత మొక్కలు పలుచున చేయాలి. కలుపు తీయాలి.

సస్యరక్షణ: విత్తనపు కుళ్ళు, మొక్క మరియు ఆకు ఎండుతెగుళ్ళు రాకుండా ఉండేందుకు 3గ్రా. మాంకోజెబ్తో విత్తనశుద్ది చేయాలి. తెగులు ముఫ్పైరోజుల వయస్సులో లీటరు నీటికి 3 గ్రా. మాంకోజెబ్ కలిపి పిచికారి చేయాలి. తెగులు నివారణ కాకపోతే 7 నుండి 10 రోజుల తరువాత మరొకసారి పిచికారి చేయాలి.

కోత: జనవరి నుండి మార్చిలో కోతకు వస్తుంది. పంటకాలం 150-170 రోజులు, దిగుబడి ఎకరాకు 200-300 కిలోల ఎండు పేర్లు మరియు 30 కిలోల విత్తనం వస్తుంది.

ఆదాయ వ్యయాలు: ఎకరాకు 10,000 ఖర్చు, రూ.30,000–45,000 మొత్తం ఆదాయం, తద్వారా రూ. 20,000-35,000 నికరాదాయం వస్తుంది.

ఉపయోగాలు:

• ఆశ్వగంధను అన్ని వయస్సుల వారికి బలము కలిగించు మూలికగా వాడతారు. దీనిని ఇండియన్ జినింగ్ అని కూడా పిలుస్తారు.
• సైనికులలో శారీరక, మానసిక శక్తిని పెంపోందించడానికి వాడతారు.
• ఆటలు ఆడి అలసి పోయేవారికి స్పోర్ట్సు మెడిసిన్ గా వాడతారు. సముద్రమట్టానికి అనేక మీటర్లు ఎత్తులో ఉండే ప్రదేశాలలోను మంచుతో కూడుకున్న ప్రదేశాలలోను ప్రాణవాయువు తక్కువగా నుండి, అగ్నిమాంద్యం, ఆలోచనాశక్తి మందగిస్తాయి. ఈ సందర్భాలలో అశ్వగంధ అద్భుతంగా పనిచేస్తుంది.

Also Read: Benefits of Safflower Farming: కుసుమ తో ఆరోగ్య ప్రయోజనాలెన్నో