పాలకూర వలన ఆరోగ్య ప్రయోజనాలు..

పాలకూర ఆకుకూరల్లోనే ఎంతో మేలైనదీ. ఎంత తీసుకున్న సమస్య ఉండదు. ఎందుకంటే ఇది చలవ చేస్తుంది. పాల కూరలో యాంటీ ఆక్సీ డెంట్స్, విటమిన్స్ పుష్కలంగా ఉన్నాయి. పాల కూరలో రకరకాల డిజైన్లు, రంగులు, ఫ్లేవర్లున్నాయి. బర్గర్లు, సలాడ్లు, శాండ్ విచ్లు, రాప్స్, సూప్స్ లో పాల కూరను ఎక్కువగా వాడుతారు. కొన్ని రకాల పాలకూర, క్యాబేజీ చూడటానికి ఇంచు మించుగా ఒకలాగే ఉంటాయి. క్యాబేజీలో ఎక్కువ నీరు ఉండకపోవడంతో రబ్బరులా ఉంటుంది. అదే పాలకూర అయితే సుతిమెత్తగా ఉంటుంది. ఈ తేడాతోనే మనం కనిపెట్టవచ్చు. ఓ కప్పు పాలకూరలో 5 కేలరీలు మాత్రమే ఉంటాయి. సోడియం మాత్రం 10 గ్రాములు వరకు ఉంటుంది. ఫ్యాట్స్, కొలెస్ట్రాల్ అసలు ఉండవు. పాలకూర మన శరీరంలో వేడిని తగ్గిస్తుంది. కీళ్లనొప్పులు, ఆస్థియోడైనియా పోగొడుతుంది. బరువు తగ్గాలనుకున్నవారికి ఇది ఔషధంలా పనిచేస్తుంది. మెదడు చురుగ్గా అయ్యెలా చేయడంతోపాటు, గుండెకు ఆరోగ్యాన్ని ఇస్తుంది. కాన్సర్ తో కూడా పోరాడుతుంది. టైప్ 2 డయాబెటిస్ తగ్గించడంతో పాటు కంటి చూపును పెరిగేలా చేస్తుంది. జీర్ణక్రియను సక్రమంగా పనిచేసేలా చేసి, నిద్రలేమిని దూరం చేసి వ్యాధినిరోధక శక్తిని ఇస్తుంది. ఎముకల్ని ధృడంగా చేస్తుంది. గర్భంతో ఉన్న స్త్రీలకు పాలకూరను మించింది లేదు.
పాలకూరలో వుండే పొటాషియం, కండరాలను బలంగా ఉండేలా చేస్తుంది. విటమిన్ – ఎ వలన చర్మం ఆరోగ్యంగా మెరిసేలా చేస్తుంది. పొటాషియం, రక్త ప్రసరణ బాగా జరిగేలా చేస్తుంది. పాలకూరలో వుండే విటమిన్ – కె, జుట్టు ఊడిపోకుండా బలంగా ఉండేలా చేస్తుంది. ఇందులో వుండే ఒమేగా – 3 ఫ్యాటీ యాసిడ్, త్వరగా ముసలితనం రాకుండా చేస్తుంది. ఇందులో ఉండే ఫైబర్ శరీరంలో ఉండే చెడు వ్యర్థాల్ని బయటకు పంపుతుంది. రక్తహీనతతో బాధపడేవారికి పాలకూర తినడం వలన మంచి ప్రయోజనం ఉంటుంది.