Palm Toddy Benefits: ఎన్నో రకాల వ్యాధులను తరిమికొట్టే.. తాటి కల్లు ప్రయోజనాల గురించి మీకు తెలుసా?

Palm Toddy Benefits: ఎండాకాలం వచ్చిందంటే చాలు గ్రామాల్లో పెద్ద చిన్న తేడా లేకుండా అందరు తాటి కల్లు తాగుతుండటం మనం చూస్తూనే ఉంటాం, అయితే ఈ తాటి కల్లు తాగటం వల్ల లాభాలు ఉన్నాయో లేదో ఈ ఆర్టికల్ చదివి తెలుసుకోండి. ఈ తాటి కల్లు తాగటం వల్ల చాలా వరకు ఆరోగ్య ప్రయోజనాలున్నాయని ఆరోగ్య నిపుణులు చెబుతున్నారు. అలా అని ఎక్కువ మోతాదులో తీసుకుంటే ప్రమాదాల బారిన పడాల్సి ఉంటుంది, కావున తగిన మోతాదులో తీసుకుంటే ఇది మన శరీరానికి దివ్యమైన ఔషధంగా పని చేస్తుంది. తాటి కల్లు మంచి ఆరోగ్యానికి అవసరమయ్యే ముఖ్యమైన కార్బోహైడ్రేట్లు, అమైనో ఆమ్లాలు, విటమిన్లు మరియు ఖనిజాలు వంటి అనేక రకాల పోషకాలను కలిగి ఉంటుంది.

తాటి కల్లులో రైబోఫ్లావిన్ ఉంటుంది, దీనిని విటమిన్ బి2 అని కూడా అంటారు. రిబోఫ్లావిన్ అనేది యాంటీ ఆక్సిడెంట్, ఇది మన శరీరంలోని ఫ్రీ రాడికల్స్ అని పిలువబడే కొన్ని క్యాన్సర్ కారక ఏజెంట్లకు వ్యతిరేకంగా పోరాటంలో సహాయపడుతుంది. సరైన మోతాదులో ఈ తాటి కల్లును సేవిస్తే మన శరీరానికి సరిపడ విటమిన్ B2 దొరుకుతుంది.

Also Read: Henna (Gorintaku)Health Benefits: కేవలం అందాన్నే కాకుండా, ఆరోగ్యాన్ని కూడా పెంపొందించే గోరింటాకు గురించి తెలుసుకుందామా?

Palm Toddy Benefits

ఈ కల్లులో రోగనిరోధక శక్తిని పెంచే లక్షణాలు ఉన్నాయని నమ్ముతారు, ఇది ఇన్ఫెక్షన్లు మరియు వ్యాధులకు వ్యతిరేకంగా శరీరం యొక్క సహజ రక్షణ విధానాలను బలోపేతం చేయడానికి సహాయపడుతుంది. తాటి కల్లులోని అధిక ఫైబర్ కంటెంట్ జీర్ణక్రియకు సహాయపడుతుంది, మలబద్ధకాన్ని నివారించడంలో సహాయపడుతుంది మరియు ప్రేగు క్రమబద్ధతను ప్రోత్సహిస్తుంది. తాటి కల్లులో లభించే పోషకాలు కిడ్నీలో వచ్చే రాళ్ళ సమస్యను నివారించడానికి అద్భుతంగా తోడ్పడుతాయి.

ఈ తాటి కల్లుని ఉద‌యం పూట పరిగడుపున తాగ‌డం వల్ల మ‌నం చ‌క్క‌టి ఆరోగ్యాన్ని సొంతం చేసుకోవ‌చ్చ‌ని నిపుణులు చెబుతున్నారు. ఇది మన శరీరంలోని వ్యర్ధాలని తొలగించి శరీరాన్ని అంతర్గతంగా శుభ్రపరుస్తుంది. తాటి కల్లు మన శరీరంలోని కొలెస్ట్రాల్ స్థాయిలను తగ్గించి, గుండె ఆరోగ్యాన్ని మెరుగుపరుస్తుందని అధ్యయనాలు చెబుతున్నాయి. ఇందులో ఉన్న యాంటీఆక్సిడెంట్, విటమిన్ సి కంటి ఆరోగ్యాన్ని కాపాడుకోవడంలో సహాయపడతాయి. ఈ కల్లులో లభించే ఐరన్ మరియు విటమిన్ B కాంప్లెక్స్ చర్మ, జుట్టు, మరియు గోర్ల యొక్క ఆరోగ్యాన్ని మెరుగుపరచడంలో తోడ్పడుతాయి. కామెరూన్, ఘనా మరియు నైజీరియా వంటి దేశాల్లో, పాలిచ్చే తల్లికి తల్లి పాల ఉత్పత్తి పరిమితమైనప్పుడు ఈ తాటి కల్లుని వారు, తల్లి పాల ఉత్పత్తిని పెంచడానికి ఉపయోగిస్తుంటారు. ఇలా ఈ తాటి కల్లు వల్ల ఎన్నో ఆరోగ్య ప్రయోజనాలున్నాయి, ఏదేమైనా తాటి కల్లుని తగిన మోతాదులో తీసుకోవడమే ఆరోగ్యానికి మంచిది.

Also Read: PM Kisan Samman Nidhi: అర్హులు కాకపోయినా.. PM కిసాన్ అందించే రూ. 2 వేలు పొందుతున్నారా? అయితే ఇక మీరు జైలుకే..!