తెలంగాణలో ఈరోజు రేపు వర్షం..

తెలంగాణలో ఈరోజు రేపు కొన్ని ప్రాంతాల్లో వడగళ్లతో కూడిన వర్షం కురిసే అవకాశం ఉందని హైదరాబాద్ వాతావరణ కేంద్రం తెలిపింది. ప్రజలందరూ అప్రమత్తంగా వుండాలని వాతావరణ కేంద్రం సూచించింది. నిన్న ఉత్తర కర్ణాటక నుంచి దక్షిణ మధ్య మాహారాష్ట్ర వరకు ఉపరితల ద్రోణి ఏర్పడింది. ఈ ఉపరితల ద్రోణి ప్రభావంతో ఈ రోజు, రేపు ఆదిలాబాద్, కుమ్రంభీం ఆసిఫాబాద్, నిర్మల్, జగిత్యాల, నిజామాబాద్, కామారెడ్డి జిల్లాలలో కొన్ని చోట్ల ఉరుములు, మెరుపులు వడగళ్లతో కూడిన వర్షాలు కురిసే అవకాశం ఉందని హైదరాబాద్ వాతావరణ కేంద్రం తెలిపింది. మాములుగా శీతాకాలం కావడంతో ఉష్ణోగ్రతలు కూడా తక్కువగా నమోదవుతున్నాయి.