Published By 
Harish Rao Fires on Piyush Goyal తెలంగాణ మంత్రులు ఢిల్లీకి ఎందుకు వచ్చారని కేంద్ర మంత్రి పీయూష్ గోయల్ మాట్లాడిన విధానంపై తెలంగాణ మంత్రులు తీవ్ర స్థాయిలో మండిపడుతున్నారు. తెలంగాణ రైతు ప్రయోజనాల దృష్ట్యా మేము ఢిల్లీ పర్యటన చేపట్టాము, అంతేకాని పని లేక కాదు అంటూ మంత్రులు గోయల్ వ్యాఖ్యల్ని తప్పు పడుతున్నారు. ఈ నేపథ్యంలో తెలంగాణ ఆర్థిక, ఆరోగ్య శాఖ మంత్రి హరీష్ రావు తీవ్ర స్థాయిలో ధ్వజమెత్తారు.
మంత్రులపై గోయల్ చేసిన వ్యాఖ్యలపై మంత్రి హరీష్ మాట్లాడుతూ.. తెలంగాణ రైతాంగాన్ని కేంద్రం నట్టేట ముంచుతుందన్నారు. ఈ మేరకు గోయల్ రైతులకు క్షమాపణలు చెప్పాలంటూ డిమాండ్ చేశారు. మంత్రులు రైతుల పక్షాన ఢిల్లీ వచ్చారని, రాజకీయాల కోసం కాదన్నారు. కేంద్రం స్థాయి వ్యక్తులు రైతుల్ని అడ్డు పెట్టుకుని రాజకీయాలు చేయడాన్ని తప్పు పట్టిన హరీష్ రావు మంత్రుల్ని పట్టుకుని పని లేదని అంటారా అని గోయల్ పై మండిపడ్డారు. Harish Rao vs Piyush Goyal
పీయూష్ గోయల్ ని టార్గెట్ చేస్తూ హరీష్ రావు చురకలు అంటించారు. ఎంత ప్రాధాన్యత ఉంటె మంత్రులు ఢిల్లీ వస్తారు? రైతు ప్రయోజనాల కోసం ఢిల్లీ వచ్చిన మంత్రుల్ని ఎందుకొచ్చారని ఎలా అడుగుతారని నిలదీశారు. రైతుల ఓట్లు కావాలి కానీ వడ్లు కొనుగోలు చేయరా అంటూ హరీష్ కేంద్రాన్ని సూటిగా ప్రశ్నించారు. పంజాబ్ లో వడ్లు కొన్నపుడు.. తెలంగాణ వడ్లు ఎందుకు కొనరని హరీష్ రావు నిలదీశారు. గోయల్ వ్యాఖ్యలు రైతుల్ని కించపరిచేలా ఉన్నాయని, గోయల్ రైతులకు వెంటనే క్షమాపణ చెప్పాలంటూ మంత్రి హరీష్ డిమాండ్ చేశారు. Telangana Paddy Procurement Issue
