లిప్​స్టిక్​ను ఈ గింజలతోనే తయారు చేస్తారు తెలుసా?

ఆడవారి అందంలో మేకప్​ కీలక భాగం. అందులోనూ కైపెక్కించే పెదాలకోసం వాళ్లు ఉపయోగించే లిప్​స్టిక్​ చాలా ప్రత్యేకం. వాటిల్లో చాలా రకాలు ఉంటాయి. ఫ్లేవర్​ని బట్టి వాటి టేస్ట్​తో పాటు, రంగు కూడా మారుతుంటుంది. ఆ లిప్​స్టిక్​ పెదాలను చూస్తేనే.. మగవాళ్లు మత్తెక్కిపోతుంటారు. మరి అలాంటి లిప్​స్టిక్​ను ఎలా తయారు చేస్తారో తెలుసా?.. వాటిని తయారీలో కొన్ని గింజలను ఉపయోగిస్తారు.. వాటినే లిప్​స్టిక్ గింజలు అంటారు.. వాటని కూడా పండించాల్సి ఉంటుంది. అయితే, వాటిని ఎలా పండించాలి.. దిగుబడి ఎలా ఉంటుంది వంటి విషయాలన్నీ ఇప్పుడు తెలుసుకుందాం.

ఆంధ్రప్రదేశ్​లోని పశ్చిమగోదావరి జిల్లాలో ఓ రైతు ఈ కొత్తరకం పంటకు శ్రీకారం చుట్టారు. రాష్ట్రంలో తొలిసారిగా లిప్​స్టిక్​ గింజల పంటను మొదలుపెట్టి మంచి దిగుబడిని అర్జిస్తున్నాడు. జాఫ్రా మొక్కల ద్వారా ఈ గింజలు పండిస్తుంటారు. దాదాపు 30 ఏళ్లుగా దాసయ్యపాలెంకు చెందిన మడకం జంపాలరావు అనే రైతు.. తన 100 ఎకరాల్లో అనేక రకాల పంటలు సాగు చేస్తున్నాడు. అయితే, ఇటీవల జాఫ్రా సాగు గురించి తెలుసుకున్న ఆయన.. బాగా నచ్చడంతో తొలిగా 3 ఎకరాల్లో పంట ప్రారంభించాడు. సాధారణంగా ఈ పంట 14 నెలలకు గానీ పూర్తిగా చేతికి రాదు.. కానీ, జంపాలరావుకు మాత్రం 9 నెలలకే దిగుబడి చేతికందుతోంది.

మొదట ఈ మొక్కలను రంపచోడవరం నుంచ తీసుకొచ్చినట్లు జంపాలరావు తెలిపారు. అలా ఎకరాకు 160 మొక్కల చొప్పున 3 ఎకరాల్లో పంటను వేశారట. కొద్ది నెలల్లోనే పంట ఫలితాలు చూపించడం మొదలుపెట్టిందని జంపాలరావు తెలిపారు. ఇంటర్నెంట్​ ద్వారా ఈ సాగు పద్దతిని తెలుసున్నట్లు తెలిపారు. వీటి గింజలకు అంతర్జాతీయ స్థాయిలో కిలో రూ. 1,200 వరకు డిమాండ్​ ఉందని తెలిపారు. ఈ పంటను ఐటీడీఏ ద్వారా కొనుగోలు చేస్తే.. గిరిజనులు జాఫ్రా సాగుకు ముందుకొచ్చే అవకాశం ఉందని అన్నారు.

నిజానికి ఈ జాఫ్రా మొక్కలు, కొండలు, గుట్టల్లో పెరుగుతుంటాయి. ఈ మొక్కలకు కాయలు కాస్తాయి.. వాటి నుంచి లిప్​స్టిక్​ గింజలను తీస్తారు. వీటిని లిప్​స్టిక్​తో పాటు, ఫుట్​ ఫ్లేవర్స్​, ఆహార ఉత్పత్తులు, రంగు అద్దకాలు, ఔషధాల తయారీలోనూ ఉపయోగిస్తుంటారు. కాగా, అమెరికాలో ఈ గింజలకు బాగా డిమాండ్​ ఏర్పడింది. అక్కడ ఈ గింజలను అధికంగా ఉపయోగిస్తుంటారు. వీటి ఆకులను కామెర్లు, పాము కాటుకు కూడా మందుగా ఉపయోగిస్తుంటారు. వీటి గింజలు కిలో రూ. 100 నుంచి రూ.200 వరకు ఉంటాయి.