వచ్చే ఐదు రోజులలో(జూన్ 1 నుండి 5 వరకు) వాతావరణం ఎలా ఉండబోతుంది? రైతులు ఎలాంటి జాగ్రత్తలు పాటించాలి?

హెచ్చరిక:

• ఉరుములు , మెరుపులతో కూడిన వర్ష సూచనలున్నందున రైతులు విద్యుత్ స్థంబాలు,   విద్యుత్ తీగలు , చెరువులు, నీటి కుంటలకు దూరంగా ఉండాలి.
• రాష్ట్రంలో అక్కడక్కడ వివిధ జిల్లాలలో ఉరుములు, మెరుపులతో కూడిన వర్ష   సూచనలున్నందున రైతులు చెట్ల కింద  నిలబడరాదు. పశువులు, గొర్రెలు, మేకలను  చెట్ల కింద ఉంచరాదు.
• కోసిన పంటలను ముందు జాగ్రత్తగా సురక్షిత ప్రాంతానికి తరలించాలి. మార్కెట్ కు   తరలించిన దాన్యం తడవకుండా టార్పాలిన్ తో కప్పి ఉంచాలి.
• వర్షాధారపు పంటలను సరైన సమయంలో విత్తుకోడానికి విత్తనాలు, ఎరువులు, పురుగు  మందులు సేకరించుకోవాలి.
• మామిడి తోటలో పడిపోయిన కాయలను సేకరించి మంచిగా ఉన్న కాయలను మార్కెట్ కు   తరలించాలి. పగిలి పోయిన కాయలను అలాగే తోటలో వదిలేసినట్లయితే తెగుళ్ళు   ఆశించే అవకాశం ఉంటుంది  కాబట్టి ఆ కాయలను కూడా తోటలో నుంచి  తీసివేయాలి.
• మట్టి నమూనాలను సేకరించి నేల లోని పోషక విలువల సమాచారం కొరకు మట్టి  నమూనాలను పరిక్ష చేయించుకోవాలి.
• ఇప్పటి వరకు కురిసిన వర్షాలను ఉపయోగించుకొని రైతులు పచ్చిరొట్ట పైరును (జీలుగ,   జనుము ,పెసర) వేసుకోవాలి.
• కొత్త పండ్ల తోటలు పెట్టడానికి గుంతలు తవ్వుకోవాలి.

• నీరు సమృద్ధిగా ఉన్న ప్రాంతాల్లో రైతులు దీర్ఘకాలిక వరి రకాల (140-145 రోజులు)   నారుమళ్ళు పోసుకోవడానికి ఇది అనువైన సమయం.
• వరిలో 3 గ్రా. కార్బండాజిమ్ మందును కిలో విత్తనానికి కలిపి విత్తనశుద్ధి చేసుకోవాలి.
• రైతులు తెలంగాణ సోన (RNR 15048) వరి విత్తనాన్ని జూన్ నెలలో నారుమడి  పోసుకోకూడదు.

• అక్కడక్కడ నమోదవుతున్న వేడి వాతావరణాన్ని తట్టుకునేందుకు  షెడ్లల్లో ఫ్యాన్లను,    ఫాగర్స్ ను అమర్చి షెడ్లను వరిగడ్డితో కప్పి స్ప్రింక్లర్లను అమర్చాలి.
• కోళ్ళు ఎక్కువ మోతాదులో తినుటకు అనుగుణంగా మెత్తటిదాణాను పెట్టి తాగుటకు    చల్లని నీటిని అందుబాటులో ఉంచాలి.

• అక్కడక్కడ నమోదవుతున్న వేడి వాతావరణాన్ని తట్టుకొనుటకు పశువులు, గొర్రెలు , మేకలను నీడలో ఉంచాలి , తగు విధంగా నీరు , మేతను అందించినట్లయితే పశువుల్లో అధిక ఉష్ణోగ్రతల వలన కలిగే ఒత్తిడి తగ్గుతుంది.
• అధిక ఉష్ణోగ్రతల వలన పాలలో వెన్న శాతం తగ్గకుండా  పాలిచ్చు ఆవులు , గేదెలకు పూత దశలో ఉన్న పశుగ్రాసాలను మేతగా వేయాలి