అరటి తోటకు రక్షణగా ఓ రైతు ఏర్పాటు చేసిన కాగితపు గొడుగులు…

సమావేశాలకు కట్టిన జెండాలు కావు. అరటి తోటకు రక్షణగా ఓ రైతు ఏర్పాటు చేసిన కాగితపు గొడుగులు. వేసవి ఉష్ణోగ్రతలు క్రమంగా పెరిగిపోతున్నాయి. ఉదయం నుంచే భానుడు భగభగలాడుతున్నాడు. దీంతో అనంతపురం జిల్లా పుట్లూరు మండలం రామలింగాయపల్లికి చెందిన షేక్ నజీర్ పంటను రక్షించుకునేందుకు ఈ ఏర్పాటు చేశాడు. నాలుగెకరాలు కౌలుకు తీసుకున్న నజీర్, అందులో ఐదు వేల అరటి మొక్కలు నాటాడు. ఎండలకు మొక్కలు దెబ్బతినకుండా ఒక్కో అరటి మొక్కకు ఒక్కో పేపరును గొడుగులా అమర్చాడు. అవి గాలికి ఎగిరిపోకుండా ఇరువైపులా మట్టిగడ్డలు పెట్టాడు.