Tobacco Weed Management: పొగాకులో కలుపు యాజమాన్యం.!

Tobacco Weed Management: పొగాకు మన  రాష్ట్రంలో ముఖ్యమైన  వాణిజ్యపంటగా నల్లరేగడి భూములలో వర్షా ధార పంటగా , తేలికపాటి  నెలల్లో అరుతడి పంటగా  వివిధ  ప్రాంతాలలో  వివిధ రకాల  పొగాకు సాగు చేయబడుచున్నవి. పొగాకును ముందు గా నారు పోసి 50-60 రోజుల  వయస్సు గల  నారును నాటతారు. కలుపు నారుమడిలో, ప్రధాన మడిలో కూడా కలుపు సమస్య.

Tobacco

పొగాకు పంటలో  వరుసల  మధ్య మొక్కల మధ్య ఎడం ఎక్కువగా ఉండడం  వల్ల  పైరు పెరిగి భూమిని  కప్పుటకు చాలా సమయం పడుతుంది. ఈ లోపు మొక్కల మధ్య  పైరు వరుసల మధ్య  ఉన్న ఖాళీ స్థలం లో  కలుపు మొలకెత్తి తేమ , పోషక పదార్ధాలు, సూర్య రశ్మి మొదలగు  అన్ని వనరులకు  పోటీపడి  పొగాకు పెరుగుదలను, దిగుబడిని 40-50% తగ్గించుటయే కాక పంట  నాణ్యతను  కూడా తగ్గిపోతుంది.పొగాకులో కలుపు తీయవలసిన కీలక సమయం  నాటిన  60 రోజుల  వరకు పెరుగుతుంది.

కలుపు యాజమాన్యం 

నారు మడి –

• సాధారణంగా రైతులు నారుమడి పొసే ముందు చెత్త వేసి తగులబెట్టుట ద్వారా కొంతవరకు  కలుపు నిర్మూలించవచ్చు.
• నారుమడిని  పూర్తిగా నిర్వీరియం చేయుటకు 100 చ. మీ నారుమడికి 5-10 కిలోల మీధైల్ బ్రోమైడ్  పిచికారీ చేయాలి
• సాధారణంగా నారు మడి తక్కువ  విస్తీర్ణం వేస్తారు. కనుక కూలిలతో ఒకటి  రెండు కలుపు  తీస్తే సరిపోతుంది.
• నారుమడి విత్తుటకు 5 రోజుల ముందు  ఎకరాకు  800 మీ. లీ. అల్లాక్లోర్ 50% ద్రావకం  200 లీ. నీటిలో కలుపుకొని  పిచికారీ చేసుకుంటే  పొగాకు మొలకకు  ఇబ్బంది లేకుండా కలుపు   నిర్మూలించవచ్చు.
• నారు మడిలో  వచ్చే గడ్డి జాతి మొక్కల  నిర్మూలనకు నారు మడి  విత్తిన 25-30 రోజుల  తర్వాత ఎకరాకు  250 మీ. లీ. ఇధైల్9% ద్రావకం  200 లీ. నీటిలో కలిపి  స్ప్రే చేయాలి.

Also Read: Water Management in Tobacco: పొగాకు పంట లో సాగునీటి యాజమాన్యం.! 

ప్రధాన పొలం : ప్రధాన పొలంలో కలుపు  నిర్మూలనకు కేవలం రసాయనాలపై ఆధారపడకుండా వివిధ  పద్ధతులు ఆచరిస్తే మంచిది.

Tobacco Weed Management

సేద్య పద్ధతులు –

• నాటుటకు ముందు భూమిని దున్నీ కలుపు  లేకుండా చేయుట.
• పొగాకు నాటిన తర్వాత 15-20 రోజుల వ్యవధిలో 3-4 సార్లు గొర్రు, గుంటకాలతో నిలువ  మరియు అడ్డంగా అంతర కృషి  చేయుట  వలన  కలుపు నిర్మలునా  జరుగుటయేకాక పైరుకు గాలి బాగా తగిలి  పైరు బాగా పెరుగును.

రసాయనాలతో కలుపు నిర్మూలన –

పొగాకు లోని రసాయనాలను తప్పనిసరి పరిస్థితులలో వాడాలి. రాసాయనాలు మూడు దశలో వాడవచ్చు.

1. పొలం తయారీకి ముందు : పొగాకు వేసే పొలంలో తుంగ, గరిక, వంటి మొండి జాతి మొక్కలు ఎక్కువగా ఉన్నప్పుడు ఒక లీటర్ నీటికి 10మీ. లీ.  మెట్రిబుజిన్  కలిపి పిచికారీ చేయాలి.

2. నాటుటకు ముందు: నాటుటకు 1-2  రోజుల ముందు  పొలంలో తేమ ఉన్నప్పుడు ఎకరాకు  1లీ. పెండిమీథాలీన్ 30% ద్రావకం  200 లీ.. నీటిలో పిచికారీ చేయాలి.

3. పొగాకు మల్లె కనపడినప్పుడు: పొలంలో పొగాకు మల్లె కనపడిన  వెంటనే పికి తగులబెట్టాలి లేదా  1 లీ. నీటికి 2 మీ. లీ. పేరాక్వాట్ 24% ద్రావకం  పొగాకు పై పడకుండా  మల్లె పై పడేటట్లు స్ప్రే చేయాలి. పొగాకు పై ఈ మందు పడితే  పొగాకు మొక్క కూడా మాడిపోతుంది.

Also Read: Tobacco Cultivation Techniques: ఆరోగ్యవంతమైన పొగాకు నారు పెంపకంలో మెళుకువలు.!