Cow Dung Procurement: జంతువుల వ్యర్థాలతో రైతుల్ని ఆర్ధికంగా మార్చేందుకు ప్రయత్నాలు

Cow Dung Procurement: జంతువుల వ్యర్థాలను రైతులు మరియు పశువుల యజమానులకు ఆర్థికంగా లాభదాయకంగా మార్చడానికి ప్రభుత్వం ప్రయత్నిస్తోంది. అనేక రాష్ట్రాల్లో ప్రభుత్వం ఆవు పేడను సేకరిస్తున్నప్పటికీ, చాలా రాష్ట్రాల్లో ఆవు పేడను కొనుగోలు చేసే వ్యవస్థ ఇంకా ఏర్పడలేదు. ఈ విషయమై కేంద్ర మత్స్య, పశుసంవర్ధక, పాడిపరిశ్రమ శాఖ మంత్రి పర్షోత్తం రూపాలా మాట్లాడుతూ.. రైతుల నుంచి ఆవు పేడను కొనుగోలు చేయాల్సిన బాధ్యత రాష్ట్ర ప్రభుత్వానిదేనని స్పష్టం చేశారు. అదే సమయంలో రాష్ట్రాలు ఈ విషయంలో పథకాలు మరియు కార్యక్రమాలను అమలు చేస్తున్నాయని చెప్పారు.

Cow Dung

వ్యవసాయ వ్యర్థాల నుంచి సేంద్రియ ఎరువు వినియోగాన్ని ‘గోవర్ధన్’ ద్వారా ప్రోత్సహించేందుకు కూడా ప్రభుత్వం సన్నాహాలు చేస్తోంది. దీనికి సంబంధించిన సమాచారాన్ని ఇటీవల లోక్‌సభలో కేంద్ర మత్స్య, పశుసంవర్ధక, పాడిపరిశ్రమ శాఖ మంత్రి పరుషోత్తం రూపాలా పంచుకున్నారు. రాష్ట్ర ప్రభుత్వ ప్రయత్నాలకు సహాయం చేయడానికి పశువుల పేడ మరియు వ్యవసాయ వ్యర్థాలను ఉపయోగించి సేంద్రీయ ఎరువులు మరియు ఇంధనాల వినియోగాన్ని ప్రోత్సహించడానికి తాగునీటి మరియు పారిశుద్ధ్య మంత్రిత్వ శాఖ గోవర్ధన్ ప్రాజెక్ట్ అనే బహుళ-ఏజెన్సీ ఫ్లాగ్‌షిప్ ప్రోగ్రామ్‌ను అమలు చేస్తోంది. ఇది త్వరలో అమలు చేయబడుతుంది.

Also Read: ఆవు పేడతో ఉపయోగాలెన్నో

ఆవు పేడ యొక్క సామర్థ్యాన్ని ఉపయోగించుకునేందుకు ఆనంద్ జిల్లాలోని ముజ్కువా మరియు జకరియాపురా గ్రామాల్లో కంపోస్ట్ చైన్‌పై నేషనల్ డెయిరీ డెవలప్‌మెంట్ బోర్డ్ (ఎన్‌డిడిబి) విజయవంతమైన పైలట్ మోడల్‌ను ఏర్పాటు చేసిందని అన్నారు. అంతే కాకుండా బనస్కాంత జిల్లా కో-ఆపరేటివ్ మిల్క్ ప్రొడ్యూసర్స్ అసోసియేషన్ కూడా ఆవు పేడ మరియు వ్యవసాయ వ్యర్థాలను ఉపయోగించి సహకార డెయిరీలు/పారిశ్రామికవేత్తల ద్వారా పశువుల పేడ బయోగ్యాస్ ప్లాంట్‌ను ప్రోత్సహిస్తున్నట్లు ఆయన తెలియజేశారు. కేంద్ర మత్స్య, పశుసంవర్ధక, పాడిపరిశ్రమ శాఖ మంత్రి ఇచ్చిన సమాచారం ప్రకారం.. ఆవు పేడ, వ్యవసాయ వ్యర్థాలను కంప్రెస్డ్ బయోగ్యాస్, ఆర్గానిక్ ఎరువులుగా మార్చే ప్రాజెక్టులకు ప్రభుత్వం నుంచి వడ్డీ ఇవ్వాలనే నిబంధన కూడా ఉంది.

Also Read: బయోగ్యాస్ వల్ల కలిగే ఉపయోగాలు