Jasmine Cultivation: మల్లె సాగులో సస్యరక్షణ

నాటడం: మొక్కలను నాటడానికి 45 నుండి 90 సెంటీమీటర్ల గుంతలను తీసి ఒక్కో గుంతకు 10 నుండి 15 కిలోల ఎరువు,  50 గ్రాముల ఫాలిడాల్‌ పొడిని  పొడిని కలపాలి. మల్లెను సాధారణంగా జూలై నుండి సెప్టెంబర్‌ వరకు నాటుకోవచ్చు. జాస్మినమ్‌ ఆరిక్యులేటమ్‌ 1.8 I 1.8 మీటర్లు జాస్మిన్‌ సాంబాక్‌ 1.2I1.2మీటర్లు జాస్మినమ్‌ గ్రాండిఫోరమ్‌ 2I1.5 మీ. దూరంలో నాటుకోవాలి. నాటిన తరువాత జాస్మినమ్‌ ఆరిక్యులేటమ్‌లో ప్రతిమొక్కకు 60 గ్రా. నత్రజని, 120 గ్రా. భాస్వరం, 120 గ్రా. పొటాష్‌, జాస్మినమ్‌ గ్రాండిఫ్లోరమ్‌లో మొక్కకు 100 గ్రా. నత్రజని, 150 గ్రా. భాస్వరం, 100 గ్రా. పొటాష్‌ జాస్మినమ్‌ సాంబాక్‌లో మొక్కకు 90 గ్రా. నత్రజని, 120 గ్రా. భాస్వరం, 240 గ్రా. పొటాష్‌ను ఇవ్వడం ద్వారా పూలు త్వరగా వస్తాయి.

నేలలో తేమ శాతం మరియు వాతావరణ పరిస్థితులను బట్టి 7 నుండి 10 రోజులకు ఒకసారి తడి ఇవ్వాలి.

కొమ్మ కత్తిరింపులు: మల్లెలో పూలు లేత చిగుర్ల నుండి ఏర్పడతాయి. కాబట్టి కొమ్మ కత్తిరింపులు శాఖీయ పెరుగుదల నియంత్రణ, శాఖీయ మొగ్గలుగా మారడానికి మరియు పూల ఉత్పత్తికి దోహదపడుతుంది. కొమ్మ కత్తిరింపులకు ముందు మొక్కకు నీరు ఇవ్వకుండా గత సంవత్సరం పూకొమ్మలు, తెగులు సోకిన మరియు ఎండుకొమ్మలను కత్తిరించి తీసివేయాలి. ఆ తరువాత మొక్క ఆకులను ఆకులను కూడా తీసివేయాలి. కత్తిరింపులు అయిన వెంటనే కొమ్మ చివర్లను కాపర్‌ సంబంధిత శిలీంద్ర నాశినితో శుద్ధిచేయాలి. మల్లెతోట అంతా ఒకేసారి కత్తిరింపులు చేయకుండా కొద్దిగా వ్యవధినిస్తూ నవంబరు చివరి వారం నుండి జనవరి మధ్య వరకు చేస్తే ఎక్కువ రోజులు పూలను పొందవచ్చు.

నాటిన మూడవ సంవత్సరం నుండి దిగుబడి మొదలై 10`12 సంవత్సరాల వరకు దిగుబడి వస్తుంది. జాస్మినమ్‌ ఆరిక్యులేటర్‌ 1.8`3.6 టన్నులు / ఎకరానికి జాస్మినమ్‌ సాంబాక్‌ 1`2 టన్నులు / ఎకరానికి దిగుబడి వస్తుంది.