Pest Control in Rabi Paddy: రబీ వరిలో ముఖ్యమైన తెగుళ్ళు వాటి నివారణ

Paddy

•  వరి పంటను ఆశించే కాండం కుళ్ళు తెగులు స్కీరోషియం ఒరైజే అనే శిలీంద్రం వల్ల సంక్రమిస్తుంది.
•  తెగులు ఆశించినప్పుడు దుబ్బులోని పిలకలు వాడినట్లుగా కనిపిస్తాయి. క్రమేణా దుబ్బులోని పిలకలు మొత్తం ఎండిపోతాయి. వ్యాధి తీవ్రమయ్యే కొద్ది పొలంలోని పైరు పక్వానికి రాకముందు ఎండిపోవడం జరుగుతుంది.
•  తెగులు సోకిన పిలకలలోని కణజాలం కుళ్ళడం వలన పిలకలు మెత్తబడి పైరు వాలిపోతుంది.
•  కాండం కుళ్ళు ఆశించిన పిలకలను చీల్చి చూసినప్పుడు లోపలిభాగం ముదురు గోధుమ రంగు లేదా నలుపు రంగుకు మారి ఉంటుంది. ఇటువంటి రంగు మార్పు కణుపుల వద్ద ఎక్కువగా ఉంటుంది.పూర్తిగా ఎండిన పిలకలను పరిశీలించినప్పుడు లోపలి భాగంలో నల్లని చిన్న, చిన్న  శిలీంద్ర బీజాలు కనిపిస్తాయి.

• ఈ తెగులు కారక శిలీంద్రం భూమిలో ఎక్కువ కాలం జీవించి ఉంటుంది. సాగు నీటి ద్వారా, విత్తనం ద్వారా ఒక ప్రదేశం నుండి వేరొక చోటికి తెగులు వ్యాపిస్తుంది.
• విత్తనాన్ని అంటిపెట్టుకొని ఉన్న, విత్తనంలో కలిసి ఉన్న పంట అవశేషాలు, మట్టిరేణువులు, దుమ్ము మరియు ఇతర వ్యర్ధపదార్ధాలు తెగులుకారక బీజాలను మరియు శిలీంద్రాన్ని వ్యాప్తి చేయుటకు దోహదపడతాయి.
• వరి పండిరచే ప్రాంతాల్లో నీటి పారుదల వ్యవస్థ సరిగా లేకపోవడం వల్ల అంటే సాగునీటిపారుదలకు, మురుగు నీరు పోవుటకు విడివిడిగా కాలువలు లేనందువల్ల కాండం కుళ్ళు తెగులు ఒక ప్రదేశం నుండి వేరొక ప్రదేశానికి వ్యాపించే అవకాశం ఉంది.
• ఆయకట్టు మొదటి భూములకు అందించిన సాగు నీరు మురుగు అయిన తరువాత కింది పొలాలకు మరలా సాగునీరు గా ఉపయోగించడం జరుగుతుంది అటువంటి పరిస్థితులు ఈ తెగులు వ్యాప్తికి ఉపకరిస్తాయి.
•  ఆయకట్టుకు చివరగా ఉన్న భూములలో ఎక్కువ రోజుల పాటు నీటిని నిల్వ ఉంచితే కాండం కుళ్ళు తెగులు వ్యాపించవచ్చు.
• వరి పంటను సుడిదోమ మరియు కాండం తొలుచు పురుగు ఆశించినప్పుడు అవి ఏర్పరచిన గాయాల ద్వారా తెగులు కారక శిలీంద్రం తేలికగా మొక్క లోపలికి చొచ్చుకుపోయి వ్యాపిస్తుంది.
•  తెగులు ఆశించిన పొలంలో కోత సమయంలో మొక్కలను భూమట్టానికి దగ్గరగా కాకుండా పొడవైన మొదళ్ళను వదిలి వేయడం వల్ల అక్కడ అభివృద్ధి చెందిన శిలీంద్రం తరువాత పంటకు ఎక్కువగా నష్టం చేసే అవకాశం ఉంది.
• బరువైన నేలలో వరి తరువాత వరి పండిరచే విధానంలో కూడా తెగులును కలుగచేసే శిలీంద్రం క్రమంగా ఉధృత స్థాయికి చేరవచ్చు.

Also Read: బచ్చలికూర సాగు వివరాలు

• తెగులు ఆశించిన పొలాన్ని పంట కోత తరువాత వేసవి సమయంలో లోతు దుక్కి చేయాలి.
• విత్తనంలో తేమ శాతం 14 కి మించకుండా బాగా ఎండనిచ్చి, గాలికి తూర్పార బట్టి దుమ్ము, ధూళి లేకుండా శుభ్రం చేయాలి.
• విధిగా విత్తనశుద్ధి చేయాలి. అందుకు గానూ 3 గ్రాముల కార్బండిజమ్‌  50% పొడి మందును కిలో విత్తనానికి కలిపి పొడి విత్తన శుద్ధి చేయాలి. లేదా ఒక గ్రామం కార్బండిజమ్‌ మందు లీటరు నీటికి కిలో విత్తనానికి కలిపి విత్తనాన్ని 24 గంటల పాటు నాననిచ్చి తడి విత్తనశుద్ధి చేయాలి.
• పొలంలో మురుగు నీరు నిల్వ ఉండకుండా చూడాలి.
• తెగులు ఆశించిన పొలము నుండి ఇతర పొలాల్లోకి నీటిని మళ్లించడ కూడదు. కాండం కుళ్ళు తీవ్రత ఎక్కువగా ఉంటే పొలం నుండి నీటిని పూర్తిగా తొలగించి ఒకసారి ఆరగట్టడం మంచిది.
• తెగులు లక్షణాలను జాగ్రత్తగా పరిశీలించి గుర్తించిన వెంటనే హెక్సాకొనజోల్‌ రెండు మిల్లీ లీటర్లు లేదా ప్రొఫికొనజోల్‌ ఒక మిల్లీ లీటరు లేదా వాలిడామైసిన్‌ రెండు మిల్లీ లీటర్లు లేదా బెనోమిల్‌ ఒక గ్రా. లేదా కార్బండిజమ్‌ ఒక గ్రాము లేదా టెబ్యుకొనజోల్‌  రెండు మిల్లీ లీటర్లు ఒక లీటరు నీటికి కలిపి పంట బాగా తడిచేలా పిచికారీ చేయాలి. శిలీంద్ర నాశినులను పిచికారీ చేసే సమయంలో పొలంలో నీటి మట్టాన్ని బాగా తగ్గించాలి.
• సుడిదోమ, కాండం తొలుచు పురుగులను సకాలంలో నివారించుకోవాలి.
• కాండం కుళ్ళు తెగులు ఆశించిన పంటను కోసేటప్పుడు మొదళ్ళ వరకు కోయాలి. పొలంలో పంట అవశేషాలు తొలగించి పొలాన్ని శుభ్రంగా ఉంచాలి.

• ఈ తెగులు ఉస్టిలాజినాయిడియా విరియన్స్‌ అనే శిలీంద్రం వల్ల కలుగుతుంది.
• వరి పైరు పుష్పించే దశలో ఉన్నప్పుడు తెగులు పంటను ఆశిస్తుంది.
•  వెన్నులో గింజలకు బదులుగా గుండ్రని శిలీంద్ర బీజ సముదాయాలు ఏర్పడతాయి. ఇవి ముందుగా పసుపుపచ్చని రంగులో ఉండి క్రమేణా ముదురాకుపచ్చ లేదా నలుపు రంగుకు మారతాయి. తెగులు కొన్ని సందర్భాల్లో దిగుబడికి నష్టం కలిగించే స్థాయికి చేరవచ్చు. ఈ శిలీంధ్రం ధాన్యంతో కలసి నాణ్యతను తగ్గించే అవకాశం కూడా ఉంది.

• తెగులు సోకని పంట నుండి విత్తనాన్ని సేకరించాలి.
• విత్తనంలో తేమ శాతాన్ని 12`14 శాతం వరకు తగ్గించి దుమ్ము, ధూళి లేకుండా శుభ్రం చేసి విత్తనశుద్ధి చేయాలి.
• పంట పొలం చుట్టూ కాలువలలో, పంట పొలంలో ఉండే ఊద, తుంగ, ఉడ్రంగ వంటి గడ్డిజాతి కలుపు మొక్కలను నిర్మూలించాలి.
• పైరు పుష్ఫించే దశకు వచ్చిన సమయంలో సాయంకాలపు సమయాల్లో పిచికారి మందులను వాడాలి. అందుకొరకు కాపర్‌ ఆక్సీక్లోరైడ్‌ 2.5 గ్రా. లు లేదా ప్రొపికొనజోల్‌ 1.0 మి.లీ. లీటరు నీటికి చొప్పున కలిపి పిచికారి చేయాలి.