Crops of Telangana: తెలంగాణలో పండించిన పంటలకు విలువ జోడిస్తేనే లాభాలు!

Crops of Telangana: గత ఏడు సంవత్సరములలో  వ్యవసాయం మరియు దాని అనుబంధ రంగాల అభివృద్ధికై  రాష్ట్ర ప్రభుత్వం  ముఖ్యంగా వ్యవసాయ శాఖ,  ఉద్యానవన శాఖ,  పశుసంవర్ధక శాఖ,  మత్స్యశాఖ,  వ్యవసాయ మార్కెటింగ్‌శాఖ  మరియు ప్రొఫెసర్‌ జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం  చేపడుతున్న కార్యక్రమాలకు తోడుగా రాష్ట్ర ప్రభుత్వం ఎంతో ప్రతిష్టాత్మకంగా చేపట్టిన నీటి ప్రాజెక్టులు,  24 గంటల ఉచిత కరెంటు,  రైతుబంధు, రైతు బీమా మరియు  వ్యవసాయ మరియు ఇతర అనుబంధ రంగాల సబ్సిడీలు వలన ఈరోజు తెలంగాణ రాష్ట్ర వ్యవసాయ ఉత్పత్తుల పెరుగుదలలో ప్రముఖ పాత్ర పోషించాయి.

తెలంగాణ రాష్ట్రంలో ప్రతి సంవత్సరం సుమారు 19.3 మిలియన్‌ మెట్రిక్‌ టన్నుల వడ్లు, 3.6 మిలియన్‌ మెట్రిక్‌ టన్నుల  మొక్కజొన్న, 2.53 మిలియన్‌ మెట్రిక్‌ టన్నుల పండ్లు, 2.49 మిలియన్‌ మెట్రిక్‌ టన్నుల  కూరగాయలు, 0.3 మిలియన్‌ మెట్రిక్‌ టన్నుల పసుపు, 0.85 మిలియన్‌ మెట్రిక్‌ టన్నుల మాంసం ఉత్పత్తి, 0.4 మిలియన్‌ మెట్రిక్‌ టన్నుల ఎండు మిరపకాయలు, 5.4 మిలియన్‌ మెట్రిక్‌ టన్నుల పాలు మరియు పాల ఉత్పత్తులు, 2.65 మిలియన్‌ మెట్రిక్‌ టన్నుల చిరుధాన్యాలు, 0.65 మిలియన్‌ మెట్రిక్‌ టన్నుల నూనె గింజల  ఉత్పత్తి జరుగుతున్నది.

కావున పండిరచిన పంటలను పూర్తిస్థాయిలో వినియోగంలోకి  తీసుకు రావాల్సిన అవసరం ఎంతైనా ఉంది. ఇక్కడ మనం ఒక సామెతను గుర్తు చేసుకోవాలి ‘‘ధాన్యం ప్రాసెసింగ్‌, ధాన్యం ఉత్పత్తికి సమానం’’ తెలంగాణ రాష్ట్రంలో పెరుగుతున్న వ్యవసాయ ఉత్పత్తుల  నిల్వ,  విలువ ఆధారిత ఉత్పత్తుల తయారీ  మరియు అధునాతన  ఫుడ్‌ ప్రాసెసింగ్‌ పద్ధతుల ద్వారా  విలువలు జోడిరచి  రైతులకు మంచి గిట్టుబాటు ధరతో పాటు,  ప్రజలకు నాణ్యమైన ఆహారం  మరియు గ్రామీణ యువతీ యువకులకు ఉపాధి కల్పన వంటి అంశాలను పరిగణలోకి తీసుకొని, ఆహార ఉత్పత్తుల ఎగుమతి ద్వారా  రాష్ట్ర  ఆదాయాన్ని పెంపొందించాలని మన గౌరవ ముఖ్యమంత్రి వర్యులు  శ్రీ కల్వకుంట్ల చంద్రశేఖర రావు గారు ఆహారశుద్ధి పారిశ్రామిక విధానానికి  రూపకల్పన చేయడం జరిగినది.

ఈ పాలసీ ద్వారా  సుమారు 25,000 కోట్ల పెట్టుబడుల సాధన, 70 వేల మందికి ప్రత్యక్ష మరియు మరో మూడు లక్షల మందికి పరోక్షంగా ఉపాధి కల్పించేందుకు కృషి చేయనుంది. అంతేకాకుండా మొదటి దశ కింద 10 ఫుడ్‌ ప్రాసెసింగ్‌ పారిశ్రామిక మండలాలు ఏర్పాటు చేయుటకు అనుమతినిచ్చింది. అంతేకాకుండా ప్రత్యేక ప్రోత్సాహకాలను మరియు సబ్సిడీలను అందించి వ్యవసాయానికి  మరియు పారిశ్రామిక అభివృద్ధికి  కృషి చేయనున్నది.

ఫుడ్‌ ప్రాసెసింగ్‌ రంగాన్ని వృద్ధి చేయడం ద్వారా భారత ప్రభుత్వం లక్ష్యాలైన  రైతుల ఆదాయం రెట్టింపు-2022  అనే లక్ష్యానికి  మన రైతులు చేరువయ్యే అవకాశం ఉంటుంది. మన దేశంలో సుమారు 25 లక్షల  చిన్న మరియు సూక్ష్మతరహా ఆహారశుద్ధి  పరిశ్రమలు  అసంఘటిత  కుటీర పరిశ్రమలుగా ఎక్కువగా ఉన్నాయి. ఇటువంటి పరిశ్రమలను అధికారికంగా నమోదు చేసి వాటి ఆధునీకరణకు కావలసిన శాస్త్రీయ సాంకేతిక  మద్దతుతో పాటు, వ్యాపార అభివృద్ధికి కావాల్సిన  ఆర్థిక సహాయం అందించడం కోసం ప్రధాన మంత్రి సూక్ష్మఆహార పరిశ్రమల అధికారికీకరణ,  ఒక జిల్లా ఒక రకమైన ఆహార ఉత్పత్తి  కేంద్రం వంటి విధానాలతో స్థానిక పంటలకు విలువ జోడిరచుట, రైతులకు గిట్టుబాటు ధర అందించడం, ఆయా ప్రాంత ప్రజలకు కావలసిన నాణ్యమైన ఆహార పదార్థాలను అందించడం, గ్రామీణ యువతి యువకులకు  ఉపాధి అవకాశాలను పెంపొందించడం  వంటి ముఖ్య ఉద్దేశాలతో ఆత్మ నిర్భర్‌ భారత్‌ అభియాన్‌ కింద స్కీంను  ప్రారంభించడం జరిగినది.

ఒక జిల్లా ఒక ఉత్పత్తి అనే నినాదంతో  ఒక జిల్లా ఒక క్లస్టర్‌గా  భావించి  ఆ జిల్లా లో ఉత్పత్తి చేసే ప్రధాన ఆహార  పంటకు సంబంధించిన  అగ్రికల్చర్‌ వ్యాల్యూచైను ను  పటిష్ట పరిచి  సమీకృత ఆహారం శుద్ధి పరిశ్రమలతో పాటు  ఇతర మౌలిక సదుపాయాలను అభివృద్ధి  పరిచి రైతులకు  మంచి గిట్టుబాటు ధరతో పాటు  రైతులను తాము పండిరచే  పంటకు విలువ జోడిరచే విధంగా  ప్రోత్సహించడం. ఒక క్లస్టర్‌ ఒక జిల్లా దాటి కూడా విస్తరించవచ్చు.

కేంద్ర ప్రాయోజిత  ప్రైమ్‌ మినిస్టర్‌ ఫార్మా లైజేషన్‌ ఆఫ్‌ మైక్రో ఫుడ్‌ ప్రాసెసింగ్‌ ఎంటర్ప్రైజెస్‌ స్కీం మరియు ఒక జిల్లా ఒక ఉత్పత్తి పథకాల ద్వారా  ఆయా జిల్లాలలో ఉన్నటువంటి  సూక్ష్మ మరియు చిన్న తరహా ఆహారశుద్ధి  మిల్లులు ముఖ్యంగా గత మూడు నాలుగు సంవత్సరాల నుండి  లేదా అంతకంటే ఎక్కువ కాలం నుండి  నడుస్తున్నటువంటి పిండి మిల్లులు,  కారం పొడి, పసుపు పొడి మిల్లులు,  నూనె మిల్లులు, పప్పు మిల్లులు,  మసాలా దినుసుల మిల్లులు,  కూరగాయలు పండ్లు  పరిశ్రమ,   బేకరీలు, చిన్న తరహా చికెన్‌  ప్రాసెసింగ్‌ యూనిట్‌, చిన్న తరహా మటన్‌ ప్రాసెసింగ్‌ యూనిట్‌, పచ్చళ్ళు తయారీ యూనిట్‌,  తినుబండారాలు తయారుచేసే యూనిట్‌  మొదలైనటువంటి యూనిట్‌ యజమానులు పథకం కింద అప్లికేషన్‌  పెట్టుకుంటే  వారి యూనిట్‌ సాంకేతిక అభివృద్ధి మరియు మార్కెటింగ్‌ సదుపాయాలు అభివృద్ధి కోసం సుమారు 10 లక్షల క్రెడిట్‌ లింక్‌  కల్పించి 3.5 లక్షల సబ్సిడీ సదుపాయం లభిస్తుంది.

తెలంగాణ రాష్ట్రంలో ఆయా జిల్లాల ఉత్పత్తి ఆధారంగా తెలంగాణ రాష్ట్రంలోని 33 జిల్లాలలో  3  జిల్లాలు  బియ్యం మరియు వాటి విలువ ఆధారిత ఉత్పత్తులు,6 జిల్లాలు  మిరపకాయ వాటి విలువ ఆధారిత ఉత్పత్తులు, 2 జిల్లాలు  చిరుధాన్యాలు మరియు వాటి విలువ ఆధారిత ఉత్పత్తులు, 3 జిల్లాలు  సోయాబీన్‌ మరియు వాటి విలువ ఆధారిత ఉత్పత్తులు, 3 జిల్లాలు వేరుశెనగ మరియు వాటి విలువ ఆధారిత ఉత్పత్తులు, 3 జిల్లాలు కూరగాయలు మరియు వాటి విలువ ఆధారిత ఉత్పత్తులు, 3 జిల్లాలు పాలు మరియ విలువ ఆధారిత పాల ఉత్పత్తులు, 3 జిల్లాలు  మామిడి  కాయ మరియు పండ్ల విలువ ఆధారిత ఉత్పత్తులు, 4 జిల్లాలు  వివిధ రకాల తినుబండారాలు, స్నాక్స్‌ ఇన్స్టెంట్‌ ఫుడ్స్‌,  మరో మూడు జిల్లాలలో బత్తాయిలు మరి నిమ్మజాతి  పంటల విలువ ఆధారిత ఉత్పత్తులు, పసుపు దాని విలువ ఆధారిత ఉత్పత్తులు,  చేపలు మరియు ఆక్వా ప్రొడక్ట్స్‌ వంటి ఆహార ఉత్పత్తుల  ప్రాసెసింగ్‌ పైన  పరిశ్రమల  ఏర్పాటును ప్రోత్సహించడం  ద్వారా  అన్ని వర్గాల వారికి ప్రయోజనం ఉంటుందని కేంద్ర ప్రభుత్వం గుర్తించింది.

Also Read: తెలంగాణ, ఆంధ్రప్రదేశ్‌లో కోతుల బెడద

Leave Your Comments