Published By 
Benefits of Eating Chicken: భారత దేశంలో ప్రస్తుతం తలసరి గుడ్ల లభ్యత 54, కోడి మాంసం వినియోగం 2.2 కిలోలు కాగా, xజవీ= సిఫార్సు ప్రకారం ప్రతి వ్యక్తి సంవత్సరానికి 180 గుడ్లు మరియు 10.8 కిలోల పౌల్ట్రీ మాంసం వినియోగించ వలసి ఉంటుంది. మాంసం యొక్క అత్యంత ప్రజాదరణ పొందిన రకాల్లో చికెన్‌ ఒకటి. ఇది సులభంగా తయారు చేయడం మాత్రమే కాకుండా అనేక రూపాలలో, రకాల్లో సులభంగా మార్కెట్‌లో దొరుకుతుంది. చికెన్‌ చాలా పోషకమైనది, ప్రోటీన్‌ యొక్క మంచి మూలం. మీ ఆహారంలో చికెన్‌ని చేర్చుకోవడం వల్ల బరువు తగ్గడం, కండరాల పెరుగుదల మరియు ఎముకల ఆరోగ్యానికి సహాయపడవచ్చు.
Health Benefits of Eating Chicken
ఈ కథనం చికెన్‌ మీకు ఎలా మంచిదో తెలియపరుస్తుంది.
1. తక్కువ కొవ్వు శాతం:
ఎ) కోడి మాంసంలో క్రొవ్వు తక్కువగా ఉంటుంది.
బి) కొవ్వు చర్మం క్రింద ఎక్కువగా పేరుకుపోయి ఉంటుంది.
సి) తొడ మరియు బ్రెస్ట్‌ మీట్‌లో 1 గ్రాము మాంసానికి 60 మి.గ్రా. కొవ్వు మాత్రమే ఉంటుంది.
2. ప్రొటీన్లు మరియు అమైనో ఆమ్లాలు సమృద్ధిగా ఉంటాయి:
ఎ) 100 గ్రాముల మాంసానికి 20 గ్రాముల ప్రోటీన్తో చికెన్‌ అద్భుతమైన మాంసకృతుల వనరుగా ఉంటుంది.
బి) పిల్లల పెరుగుదలకు మరియు కండరాల అభివృద్ధికి తోడ్పడుతుంది.
3.చికెన్‌ మెదడు పనితీరులో పాలుపంచుకునే విటమిన్లు మరియు ఖనిజాలను అందిస్తుంది
చికెన్‌లో విటమిన్‌ B12 మరియు కోలిన్‌ ఉంటాయి, ఇవి పిల్లలలో మెదడు అభివృద్ధిని ప్రోత్సహిస్తాయి, నాడీ వ్యవస్థ సరిగా పనిచేయడంలో సహాయపడతాయి మరియు పెద్దవారిలో మెదడు పనితీరుకు సహాయపడతాయి.
ఎ) A, B6, B12, నియాసిన్‌, థయామిన్‌, రివోఫ్లాబిన్‌ వంటి విటమిన్లు మరియు ఇనుము, జింక్‌, మెగ్నీషియం, పొటాషియం , ఫాస్పరస్‌ వంటి ఖనిజాలు ఈ రుచికరమైన మాంసంలో మెండుగా ఉంటాయి.
బి) ఇందులో సోడియం కూడా తక్కువగా ఉంటుంది కాబట్టి హై బ్లడ్‌ ప్రెషర్‌తో బాధపడేవారు కూడా దీనిని తీసుకోవచ్చు.
సి) స్కిన్‌ లెస్‌ చికెన్‌లో కొలెస్ట్రాల్‌ తక్కువగా ఉంటుంది.
Also Read: Kadaknath: కడక్‌నాథ్ కోళ్లకు ఆహారంగా అజొల్లా
4. సులభంగా జీర్ణమయ్యే మాంసకృత్తులు దీని ప్రత్యేకం
కోడి మాంసం సులువుగా జీర్ణమయ్యే రుచికరమైన ఆహారాలలో ఒకటి.
5. ఇది రుచికరమైనది
కోడి మాంసం చాలా ఆరోగ్యంగా ఎంతో రుచిగా ఉండటం వలన, వంటలలో దీనిని రక రకాలు రూపాలలో చికెన్‌ ఉత్పత్తులుగా ఉపయోగిస్తున్నారు. ఎన్ని రకాలుగా దీని ఉత్పత్తులు తయారు చేసినా దాని రుచి మరియు తత్త్వం మారదు కావున కోడి మాంసానికి అంతటి విశేష ఆదరణ లభించింది.
6. చికెన్‌ మూడ్‌తో ముడిపడి ఉన్న పోషకాలను కలిగి ఉంటుంది
చికెన్‌లో ట్రిప్టోఫాన్‌ అనే అమైనో ఆమ్లం ఉంటుంది, ఇది మెదడులో సెరోటోనిన్‌ స్థాయిలను పెంచడానికి బాధ్యత వహిస్తుంది. సెరోటోనిన్‌ అనేది మానసిక స్థితితో ముడిపడి ఉన్న ‘‘అనుభూతి-మంచి’’ న్యూరోకెమికల్‌.
7. చికెన్‌ ఎముకలను బలపరుస్తుంది
చికెన్‌ ఆహార ప్రోటీన్‌ యొక్క మూలం. ప్రోటీన్‌ ఎముకల ఆరోగ్యానికి మేలు చేస్తుంది.
8. సరియైన శరీర బరువు చికెన్‌తో సాధ్యం
లీన్‌ చికెన్‌ శరీరం సులభంగా ఉపయోగించగల ప్రోటీన్‌ యొక్క అద్భుతమైన మూలం. మాంసకృత్తులు అధికంగా ఉండే ఆహారాలు సరియైన శరీర బరువు మరియు రక్తంలో చక్కెర స్థాయిలను నిర్వహించడానికి ఉపయోగపడతాయి.
9. క్యాన్సర్‌ నిరోధక లక్షణాలు
క్యాన్సర్‌ ఉన్నవారిలో చికెన్‌ యొక్క ఆరోగ్య ప్రయోజనాలు గుర్తించబడ్డాయి. పంది మాంసం మరియు మటన్‌ తినే వారి జీవితంలో పెద్దప్రేగు క్యాన్సర్‌ వచ్చే ప్రమాదం ఉంది. చేపలు మరియు చికెన్‌ తినే వ్యక్తులకు క్యాన్సర్‌ వచ్చే అవకాశం తక్కువ. మీరు మాంసాహారులైతే, మటన్‌ లేదా పోర్క్‌ కంటే చికెన్‌ తినడం మంచిది.
10. రోగనిరోధక శక్తిని పెంచడంలో సహాయపడుతుంది
చికెన్‌ అధిక-నాణ్యత ప్రోటీన్‌ యొక్క మూలం కాబట్టి, ఒకరి రోగనిరోధక శక్తిని పెంచడంలో సహాయపడుతుంది. దగ్గు మరియు జలుబు వున్నపుడు త్వరగా ఉపశమనం కొరకు చికెన్‌ సూప్‌ ఎంతో ఉపయోగపడుతుంది.
11. తల్లిపాలకు అనుకూలమైన పోషకాలు
చికెన్‌ను చాలా మంది ఇష్టపడే ప్రోటీన్‌. ఈ మాంసంలో తల్లిపాలకు అనుకూలమైన పోషకాలు కూడా పుష్కలంగా ఉన్నాయి. ఒక 100 గ్రా చికెన్‌లో 0.32 మైక్రోగ్రాముల విటమిన్‌ B12, B3 పాలిచ్చే మహిళలకు సిఫార్సు చేయబడిన రోజువారీ అవసరంలో 11 శాతం ఉంటుంది.
ముగింపు:
చికెన్‌లో ముఖ్యమైన పోషకాల శ్రేణి పుష్కలంగా ఉంది. ఆరోగ్యకరమైన, చక్కటి సమతుల్య ఆహారానికి అద్భుతమైన వనరుగా ఉంటుంది. కాబట్టి చికెన్‌ ఉత్పత్తులను సమతుల ఆహారంలో భాగం చేసుకోవడం మంచిది.
డా.సి. అనిల్‌ కుమార్‌, అసిస్టెంట్‌ ప్రొఫెసర్‌ (అనిమల్‌ న్యూట్రిషన్‌),
డా.టి. సుస్మిత, అసిస్టెంట్‌ ప్రొఫెసర్‌ (పౌల్ట్రీ సైన్స్‌), లైవ్‌స్టాక్‌ ఫార్మ్‌ కాంప్లెక్స్‌,
ఎన్టీఆర్‌ వెటర్నరీ కళాశాల, గన్నవరం, కృష్ణా జిల్లా
Also Read: Broiler Chicken: బ్రాయిలర్ కోళ్ళ పెంపకంలో తీస్కోవాల్సిన యజమాన్య చర్యలు
