Published By 
Israeli Strawberry: ఎరుపు రంగుతో నిగనిగలాడుతూ ఇట్టే ఆకర్షిస్తుంది స్ట్రాబెర్రీ. రంగు, రుచి, పుష్కలమైన పోషకాలకు పెట్టింది పేరు బెర్రీ. ప్రజలు స్ట్రాబెర్రీని ఎంతో ఇష్టపడతారు కూడా. స్ట్రాబెర్రీస్‌లో చర్మ సంరక్షణకు ఉపయోగపడే చాలా పోషకాలు ఉంటాయి. స్ట్రాబెర్రీలు తినడానికి రుచికరమైనవే కాకుండా వీటిని క్రమం తప్పకుండా ఉపయోగిస్తే చర్మం మెరుస్తూ ఉంటుంది. అయితే ఈ పండును మొదట విదేశాల్లో మాత్రమే సాగు చేసేవారు. ఇది ఉత్తర అమెరికాలో మొదలైనప్పటికీ , నేడు దీనిని ప్రపంచవ్యాప్తంగా సాగు చేస్తున్నారు. అయితే స్ట్రాబెర్రీ ఆకారం, సైజు మనందరికీ తెలుసు కానీ 289 గ్రాముల బరువున్న భారీ స్ట్రాబెర్రీని మీరెప్పుడైనా చూశారా? తెలుసుకోవాలంటే ఇది పూర్తిగా చదవాల్సిందే.
ఇజ్రాయెల్ నివాసి అయిన ఏరియల్ చాహి ఇటీవల 289 గ్రాముల బరువున్న భారీ స్ట్రాబెర్రీని పండించారు. ఇది 18 సెంటీమీటర్లు (ఏడు అంగుళాలు) పొడవు, నాలుగు సెంటీమీటర్ల మందం మరియు చుట్టుకొలతలో 34 సెంటీమీటర్లుగా ఉంది. స్ట్రాబెర్రీ ఇలాన్ రకానికి చెందినది, దీనిని ఇజ్రాయెల్ వ్యవసాయ పరిశోధనా సంస్థ నిర్ దాయ్ ఆధ్వర్యంలో అభివృద్ధి చేసింది. మరియు ఆ సంస్థ అపారమైన బెర్రీలను ఉత్పత్తి చేయడంలో ప్రసిద్ధి చెందింది. ఇకపోతే ఆ భారీ స్ట్రాబెర్రీ పేరు గిన్నిస్ వరల్డ్ రికార్డ్స్‌లో నమోదు చేశారు.
ఇది ఇలాన్ రకానికి చెందినది. తండ్రి మరియు నలుగురు పిల్లలతో కూడిన ఏరియల్ కుటుంబం ఈ సంవత్సరం నాలుగు భారీ స్ట్రాబెర్రీలను పెంచింది. అయితే వాటిలో ఒకటి మాత్రమే మునుపటి 250-గ్రాముల రికార్డును అధిగమించింది. దీనిని జపాన్‌కు చెందిన కోజీ నకావో పెంచారు. ఈ జపనీస్ రకం స్ట్రాబెర్రీని అమావు అంటారు.
